99. Super Ave Maria.

Ave Maria,

Genitrix pia,

Gratia plena,

Virgo serena,
5. Dominus tecum ,

Tu quoque secum,

Benedicta

tu in mulieribus,

Castis pariens
Deum visceribus.

Et benedictus fructus,
10. Ex hortulo productus

Ventris tui, Iesus,

Cui voce, votis omnibus

Tuis dignis precibus

Semper commendari
15. Atque sociari

In caelo sursum

Post vitae cursum

Flagitamus

Et oramus.
20. O Maria, de qua Christus

Dominus tecum miro pacto

Verbo in te carne facto

Ope trini conditoris ;

O quam dulcis vis amoris!

25. Benedicta tu

in mulieribus,
Hoc testantur omnes tribus,
Caeli fantur te beatam,
Super omnes exaltatam.
Et benedictus

fructus ventris tui,

30. Quo nos semper dona frui
Propter gustum hic internum
Et post mortem in aeternum.
Sicut lilium inter spinas,
Sic Maria inter filias;

35. Ipsa sole pulchrior,
Stellis caeli clarior,
Cunctis mihi carior
Haec est optime formosa,
Prae ceteris mire speciosa,

40. Vale, valde decora,
Et pro nobis

semper Christum exora.