84. Super Ave Maria.

1. Ave, ancilla Domini tu humillima,
Laude felix virgo devotissima.

2. Maria, stella ducens nos ad caelestia,
Ubi sonant angelorum cantica.

3. Gratia, quae per Evam fuit perturbata,
Per te nobis est reconciliata.

4. Plena omnipotentis Dei caritate
Pro immaculata virginitate.

5. Dominus tamquam sponsus de caelo veniens,
Te humilem ancillam respiciens.

6. Tecum verbum caro factum est Christus natus,
Tollens peccata nostra nobis datus.

7. Benedicta tu ab angelo salutata,
In verbo Domini sanctificata.

8. In mulieribus mater glorificata,
Semper manens virgo inviolata.

9. Et benedictus, qui in nomine Domini
Venit, Christus, filius Dei vivi,

10. Fructus de radice Iesse flore virtutis
Et germinans salvatorem salutis,

11. Ventris tui, qui fuit, mansit virginalis,
Locus sanctissimus dominicalis.

12. Trinitati et unitati sit gloria,
De laude pia aune ???? M???.

13. Tu tamen fac nobis in caelis sit solamen,
Tibi congaudentes, dicentes: Amen.