19. Horae de Passione Domini.

Ad Matutinum.

1. Laus sit Christo, qui proditur,

Trahitur ad iudicium,
Velatur et conspuitur,

Caeditur palmis hostium,
Nec reclinat, nec loquitur

Ad falsum testimonium,
Sed propter omnes patitur,

Ut culpas tollat omnium.

Ad Primam.

2. Laus sit Dei filio,

Quem coadunati
Damnant in concilio

Viri scelerati
Et tradunt iudicio

Pontii Pilati.

Ad Tertiam.

3. Laus Christo sit et gloria,
Qui pro salute saeculi
Fert spinas et ludibria
Et ad locum patibuli
Ducitur hora tertia,
Damnatus voce populi.

Ad Sextam.

4. Laus sit Christo,

qui, dum a gentibus
Confoditur
in crucis arbore,

Patrem rogat

pro peccatoribus,
Toto sparsim

distentus corpore,
Blasphematur

a transeuntibus
Quasi fractus

humano robore.

Ad Nonam.

5. Laus Christo, qui latrunculum
Revocavit ad meritum,
Matri dedit discipulum
Tamquam ministrum incli-
tum
Sicque post fellis poculum
Clamans emisit spiritum.

Ad Vesperas.

6. Lauda Christum,

pauper homuncio,
Qui per spinas,

clavos, arundinem
Pro sceleris

tui remedio
Suum fudit

in cruce sanguinem
Et conclusus

in terrae medio
Tuae mortis

gessit imaginem;

Tam felici,

tam dulci pretio
Tam miseram

redemit hominem.

Ad Completorium.

7, Laus sit Christo,

qui patrum veterum

Morte sua

morsum ahsorbuit,
Dum mortuus

momordit inferum
Et mortuos

a morte rapuit,
Sic mors mortem

exclusit scelerum,
Dum mortua

caro refloruit.