43. De Compassione B. M. V.

A d Matutinum.

1. Imperialis Domina,

Maria turbabatur,
Cum ei Christus Dominus

dententus nuntiatur,
Suspiriis, doloribus

obruta pertremescit
Hora noctis media,

quae peccatum nescit.

Ad Primam.

2. Puellarum sanctissima,

Maria oneratur,
Hora prima filius

dum false accusatur,
Respexit tristis domina

carum suum natum,
De supernis sedibus

aperte ei datum

Ad Tertiam.

3. Suavitatis viola

in ara turbabatur,
Cum hora Christus tertia

spinis coronabatur,
Plena amaritudinis

plus cunctis virgo dia
Natum vidit in sanguine

caelestis hierarchia.

Ad Sextam.
4. Tunc castitatis lilium
Maria adgravatur,
Hora sexta Dominus

cum cruci conclavatur,
Tunc pertransivit acrius
primo Simeonis
lifium castae virginis
gladius doloris.

Ad Nonam.

5. Hora nona domina

Maria orbabatur
Dilecto suo filio,

dum moriebatur,
Amens in terram cecidit,

vix spirans Deo vota,
Quem Iohannes mox sustulit,

trinitatis rota.

Ad Vesperas.

6. Sacram corpus Domini

Maria praedivina
Plangit, hunc depositum

hora vespertina,
Osculatur vulnera

cruenta nati patris,
Tunc innovantur omnia

lamenta piae matris.

Ad Completorium.

7. Hora completorii

Maria laureatum
Ad se trahit debili

voce denigratum,
Ioseph fidelis sepelit

Mariae florem Iesse,
Luce claret prophetica

Iesum Deum esse.

Conclusio.

8. Sublimis o puerpera

complectens omni tempore
Tui dilecti vulnera

in sacrosancto pectore,
Ad nostrum fac solacium

dilectum tui uteri
Nostrorum semper cordium

totis medullis inseri.

9. Has horas, o sanctissima,
tibi et tuo nato
Decanto laudabiliter,

in caelo aureato
Digneris me et alios
christicolas locare,
In laudem vestram iugiter
nos iustis sociare.