6. Septem Horulae operum divinorum septemplices.
10. Officium Corporis Christi.
11. Heures du precieux sacrement.
12. Cursus de Misericordia Domini. Ad Matutinum.
14. Horae de Passione Domini. Ad Matutinum.
21. Horae de Passione Domini. Ad Matutinum.
22. Horae de Passione Domini. Ad Matutinum.
23. Horae de Passione Domini. Ad Matutinam.
24. Horae de Passione Domini. Ad Vesperas.
25. Horae de Passione Domini. Ad Matutinum.
26. Horae de Passione Domini. Ad Matutinum.
27. Horae de Passione Domini. Ad Matutinum.
28. Horae de Passione Domini. Ad Matutinum.
29. Horae de Passione Domini. Ad Matutinum.
30. Horae de Passione Domini. Ad Matutinum.
32. Horae de Resurrectione Domini. Ad Vesperas.
33. Horae de Resurrectione Domini.
34. Cursus de sanctis Angelis. Ad Matutinum.
36. Cursus de ss. Angelis. Ad Matut. et Vesp.
38. De Conceptione BMV. Invitatorium.
40. De Conceptione BMV. Ad Matutinum.
48. De Compassione BMV. Ad Matutinum.
50. Horae de gaudiis BMV. Ad Matutinum.
52. Cursus de VII Gaudiis B. M. V.
53. De VII Gaudiis BMV. Ad Matutinum.
56. Horae beatae Mariae V. Ad Matutinum.
57. Ilorae beatae Mariae V. Ad Matutinum.
58. Horae beatae Mariae V. Ad Matutinum.
60. De Omnibus Sanctis. Ad Matutinum.
65. De sancto Francisco. Ad Matutinum.
67. De s. Iohanne Baptista. Ad Matutinum.
68. De s. Iohanne Evangelista. Ad Matutinum.
70. De sancta Katharina. Ad Matutinum.
72. De sancta Katharina. Ad Matutinum.
74. Officium seraphicae s. Magdalenae.
77. De s. Perchtoldo Garstensi.
80. Officium Defunctorum. Ad Matutinum.
1. Ave, mater illibata,
Nostri salvatoris,
Multis privilegiata
Signis et honoris,
In conceptu consecrata
Spiritu amoris,
Prius sancta, quam es nata
De claustro pudoris.
2. Maria, per dignitatem
Tam sublimis puritatis
Meam dele foeditatem,
Quam contraxi de peccatis,
Infundens serenitatem
Pacis et tranquillitatis,
Sic ut veram claritatem
Apprehendam cum beatis.
3. Gratia divinitatis
Pulchra et ornata,
Arca sanctae trinitatis
Es in mundo nata,
Sacramenta pietatis
Per te sunt allata
Ac fomenta pravitatis
Daemonum prostrata.
4. Plena terra, maria
Signis et laetitiis,
Inferus et aethera
Sint de natalitiis
Tuis, virgo regia,
Solve nunc a vitiis
Me et tandem socia
Summis cum deliciis.
5. Dominus te honoravit,
Te verum puerulum,
Cum te mater praesentavit
Portans te in templum,
Te ibidem collocavit
Super gradum infimum,
Mox te mire confortavit
Per ascensum omnium.
6. Tecum coetus virginum
Ibi habitavit,
Regem exercituum
Pariter laudavit,
Sanctum vero angelum
Deus deputavit,
Semper qui ad libitum
Tibi ministravit.
7. Benedicta clamitat
Gabriel, qui mittitur,
Regem quem annuntiat,
Hic a te concipitur,
Inde homo iubilat,
Quia sic eripitur,
Sed tristanter eiulat
Daemon, qui decipitur.
8. Tu sinus paenitentium,
Vitae medicina,
Iubilus laetantium,
Virginum regina,
Tu palma certantium,
Me serva a ruina,
Reductrix errantium,
Nunc gratiam propina.
9. In mulieribus cunctis
Te humiliasti,
In montana nimis
Ire festinasti,
Prompta et servilis
Elisabeth visitasti,
Parentem Iohannis,
Quam pie salutasti.
10. Et benedictus Iesulus
Tunc laetificavit
Vatem, qui in utero
Matris exsultavit
Et eum cum gaudio
Adesse nuntiavit,
Quem postea cum digito
Venisse demonstravit.
11. Fructus tuus legislator
Legibus subicitur,
Captivorum liberator
Hostiis redimitur,
Rerum omnium portator
Brachiis amplectitur
Simeonis, ac salvator
Mundi benedicitur.
12. Ventris tui virginalis
Sacra depuratio
Mentis meae criminalis
Fortis sit purgatio,
Ne me tangat infernalis
Dura cruciatio,
Sed soletur aeternalis
Potius salvatio.
13. Iesus, tuus dulcis natus,
Ad te venit in agone,
Sanctis omnibus vallatus
Sic cum iubilatione
Grandi te ab incolatus
Huius duxit regione,
Omnis gaudet nunc beatus
Tua fruens visione.
14. Christus suae ob amorem
Matris nobis miseris
Sic succurrat, ut squalorem
Hic vitemus criminis,
Ne cum daemone foetorem
Sentiamus carceris,
Sed Mariae per favorem
Sociemur angelis.