62. De sancta Barbara

A d Matutinum.

1. Veni, creator spiritus,
Barbarae per merita
Mentes nostras divinitus
Illuminando visita.
* *

2. Sit laus, honor et gloria
Uni trinoque Domino
Pro Barbarae martyrio
Et nunc et sine termino.

Ad Primam.

3. Haec nitet pulchritudine
Ut inter spinas lilium,
Sed magis sanctitudine
Stirpe nata gentilium.

Ad Tertiam.

4. Regna mundi, divitias
Alma principis filia
Calcat spernendo nuptias
Patrisque sculptilia.

Ad Sextam.

5. Iudicatur carcerari
Barbara lasso corpore,
Quam salvator consolari
Venit nocturno tempore.

Ad Nonam.

6. Virgo retorta denuo
Orat pro se colentibus,
Ut gaudio perpetuo
Fruantur cum viventibus.

Ad Vesperas.

7. Martyr alma decollatur
A patre pleno crimine,
Qui totalis devoratur
Emisso caeli fulmine.

Ad Completorium.

8. O Barbara, tua prece
Nobis confer auxilium,
Ne damnemur iugi nece
Post hoc praesens exsilium.