162. Aureum Patrum S. M. V.

1. O Maria, mundi salus,

Te obnixe imploramus,

Exaudi nos benigne,

Laudes tuas recitamus,

Quamvis homo quisque pravus,

Fac, te collaudat digne.

2. Florens hortus gratiarum
Plenaque deliciarum,

Nostrum sis solacium,
A te salus animarum
Pendet omnium nostrarum,
Misere viventium.

3. Rosa fragrans et amoena,
Contra daemonum venena

Efficax antidotum,
Dulcis Dei es camoena,
Huic decantans voce laeta

Carmen evangelicum.
4. Mater, maternum animum
Erga nos gere intimum,

Esto pia filiis,
Nam tibi semper proprium
Est misereri omnium,

Qui sunt lapsi vitiis.

5. Domini regis omnium
Velle, nolle sublimium

Tibi semper permanet,
Tenes summum imperium,
Nam trinitati proximum

Solium te continet.
6. Speciosa feminarum
Speeulumque puellarum,

In te figit lumina,
Quidquid exstat gratiarum,
Ex te manat, ut aquarum

Large fluunt flumina.

7. O protectrix, fove clerum,
Plebem serva, ut sincerum

Cor ad Deum habeat,
Mundum istum nimis caenum,
Inimicum quoque saevum,

Carnem fac ut superat.

8. Virgo mater nominanda,

Res est nimis admiranda,

Natura stupet omnis,
Magna quoque nostra damna
Per te erant instauranda,

Hinc gaudet totus orbis.

9. Mitis, pudica, humilis,
Non est inventa similis

In filiabus Adae,
Nam Deus invisibilis
Efficitur palpabilis

Sumendo carnem a te.
10.O largitrix verae pacis,
Via recta veritatis

Sis nobis errabundis,
Ne per viam vanitatis
Gradiamur et piratis

Tradamur furibundis.

11. Fecundissima vocaris,
Fructu ventris dilataris,

Per totum universum
Benedicta praedicaris,
Per te datur vivus panis

Saporem dans immensum.
12. Vitis alta, dulcis multum,
Es vallata, ne tura altum

Malignorum perferas,
De bac vite da virgultum,
Flecte ad nos tuum vultum

Et reatum auferas.
13. Clarior in caelestibus
Angelorum exercitus

Te habet veneratam,
Sol amicit splendidius,
Lunam habens sub pedibus,

Coronam fers stellatam.

14. Aurora semper rutilans,
Stella ex Iacob oriens

Prophetae sonant ora,
Mundum istum ingrediens,
Corda nostra illuminans,

Venerunt tecum bona.
15. [Pro] tuis servitoribus,
[Qui] premuntur doloribus

. . . . . saeculi,
. . . . . . . onibus

. . . simul omnibus

Sedule . . [sub]veni.
16. Nobis da . . dona,
Aufer mundi [fal]sa bona,

Quae transeunt ut fumus,
Nostra spes est in te tota,
A terrenis mens sit lota,

Affectus quoque punis.

17. Iugiter te collaudantes
Illos semper fac ferventes,

Rite agant omnia,
In adversis patientes,
Toto corde dimittentes

Cuncta offendicula.
18. Ora felicem exitum,
Nati tui viaticum

Et sanguis propinetur,
Nullum erit periculum,
Nostrum conducas spiritum,

Ut caelum sibi detur.

19. Amen demum alacriter
Nunc trinitati pariter

Fidelis quisque dicat,
Mariae carmen dulciter
Modulemur salubriter

Omnibus nobis. Fiat.