155. Super Ave Maria.

1. Silere non valeo

Virginem laudare
Nec cessare debeo

Ipsam salutare,
Quae ventre corporeo

Meruit portare,
Qui cruore roseo

Venit nos salvare.

2. Ave, porta gloriae,

Flos virginitatis,
Arbor patientiae,

Radix caritatis,
Virga sapientiae,

Via veritatis,
Fons misericordiae,

Hortus voluntatis.

3. Maria, quae maria

Dulcia fecisti
Atque potibilia,

Quando concepisti
Hunc caelesti gratia,

Quem post peperisti,
Fletus tunc in gaudia

Vera convertisti.

4. Gratia, qua canticum

Gloriae cantatur,
In terris angelicum

Poculum potatur
Atque manna mysticum

De caelis gustatur,
Ut hoc per Leviticum

Liquide probatur.

5. Plena et plenissima,

Regina caelorum
Et laude dignissima,

Decus angelorum,
Piarum piissima,

Laus apostol oram,
Sanctorum sanctissimu,

Gemma electorum

6. Dominus, rex omnium,

Voluit venire
Et in te triclinium

Nobile condire
Sacrumque palatium

Tuum introire,
Te virtutum iubare

Undique munire.

7. Tecum fuit unio

Facta deitatis,
Quod non novit ratio

Et humanitatis,
Dum portasti filium

Summae bonitatis,
Totum fecit actio

Sanctae trinitatis.

8. Benedicta domina,
Virgo gloriosa,
Super omnes femina
Tu es gratiosa,

Nobis mundi crimina
Te sint odiosa

Et caelorum agmina
Multum gaudiosa.

9. Tu in muleribus

Virginum regina,
Cunctis es languoribus

Prompta medicina,
Omnibus errantibus

Fides et doctrina
Et periclitantibus

Stella matutina.

10. Benedictus filius,

Qui te visitavit,
Pneumatis te concito

Virtus obumbravit,
Nuntius cum Gabriel

Te sic salutavit:
Ave, plena gratia,

Deus te dotavit.

11. Fructus tuus, domina,

Agnus Dei dictus,
Est sol veri luminis

Atque benedictos,
Cuius unda sanguinis

Homo derelictus
Lotus labe criminis

Est et daemon victus.

12. Ventris tui viscera

Iesum portaverunt,
Et beata ubera

Ipsum lactaverunt,
Iudaei cui vulnera

Multa intulerunt
Et ipsum post verbera

Morti tradiderunt.

13. Tui nom sauoomina,

Daemp e'uexpellit,
Sanat nostra vulnera,

Robore praecellit,
Sordida ab anima

Vitia propellit,
Deus te puerpera

Satanam fefellit.

14. I estis tam mirabilis

Rebus in creatis
Per te parcat famulis

Toto mundo satis,
Eis sis praestabilis

Ecclesia renatis
Dimissisque debitis

Vivant cum beatis.

15. Mater Dei, filia

Pulchra et decora,
Quae sunt mihi noxia,

Tolle sine mora,
Pro tua familia

Filium exora,
Ut in sua gloria

Nos ditet mortis hora.