10. Officium Corporis Christi.

Ad Matutinum.

1. Corporis mysterium

pange gloriosi
Atque Christi sanguinis,

lingua, pretiosi,
Qui in mundi pretium

ventris generosi
Fructus damnum daemonis

fuit venerosi.

Ad Primam.

2. Cenam cum discipulis

affectans cenare,
Exemplis, sermonibus

ipsos informare,
Panem in substantiam

carnis transformare,
Vinum in essentiam

sanguinis mutare.

Ad Tertiam.

3. Fregit panem dixitque:

hoc est corpus meum,
Calicem accipiens

benedixit eum
Et ipsum accipite,

dixit, ecce, Deum
Qui indigne sumpserit,

sentiat se reum.

Ad Sextam.

4. Et quicunque panem hunc

verum manducabit
Atque dignum calicem

etiam potabit.
Mortem Dei filii

sic annuntiabit
Et monstrabit firmiter,

donec remeabit.

Ad Nonam,

5. Qui indigne sumpserit,

factus erit reus
Corporis et sanguinis,

quem effudit Deus,
Dura latus aperuit

ipsius Iudaeus
Cumque Heli clamitat,

hoc est: Deus meus.

Ad Vesperas.

6. Verbum caro factum est,

panis gloriosus,
Vinum Christi factum es:

sanguis gratiosus,
Traditur discipulis

cibus pretiosus,
Sic manducat Dominum

servus timorosus.

Ad Completorium.

7. A iustis fidelibus

ita manducatur,
Sed ob hoc in aliquo

nunquam laceratur,
Totus in particula

confracta moratur,
Aliena specie

Deus occultatur.

Conclusio.

8. Has horas sic recolo

pia ratione
Tibi, corpus Domini,

ut confessione
Contritus et praevia

satisfactione,
Valeam te sumere

cura devotione.