86. Super Ave Maria.

1. Ave, Dei genetrix,
gemma pretiosa,
Maria, mater gratiae.
stirpe generosa.

2. Gratia te voluit,
sancta, fecundare,
Plena ut sic valeas
Christum baiulare.

3. Dominus habitaculum,
cum vellet incarnari,
Tecum per archangelum
iussit praeparari.

4. Benedicta viscera
sunt tua, pia virgo,
Tu lac tuis uberibus
praebuisti Christo.

5. In mulieribus
es sola praeelecta
Et sacro spiramine
totaque contecta.

6. Benedictus filius,

quem casta concepisti,
Fructus est dulcissimus,
quem mundo protulisti.

7. Ventris porta clausa est,
numquam fit aperta,
Tui, mater virgo, quae
perseveras certa.

8. Infinita crimina,
quibus te offendi
Et tuum carum filium,
dele ac paenitendi

9. Impetra mihi spatium,
ut iuste vivendo
Aeternam vitam merear
vultum Christi cernendo.