59. De Omnibus Sanctis.

Ad Matutinum.

1. Sancta Dei genitrix,

flos virginitatis,
Fons misericordiae,

mater pietatis,
Supra sanctos residens

regno claritatis,
Pro nobis cum ceteris

exora beatis.

Ad Primam.

2. Angelorum ordines,

Deum qui laudare
Non cessatis iugiter

atque adorare,
Sanctus, sanctus canere,

nostros gubernare
Actus hic inferius

nolite cessare.

Ad Tertiam.

3. Patriarchae mystico

ritu immolantes,
Vita, corde, cantico

Deum honorantes,
Prophetae prophetico

spiritu affantes,
Apostoli publico

sono praedicantes.

Ad Sextam.

4. Evangelistae Dei

facta cognoscentes,
Verbis evangelicis

eadem scribentes,
Sanctique discipuli

Christum consequentes,
Ab Herode mortui

sancti innocentes.

Ad Nonam.

5. Per palmam martyrii

Deo dedicati,
Martyres egregii,

cruore mundati,
Et confessionibus

Deo coniugati
Confessores, monachi,

eremitae grati.

Ad Vesperas.

6. Sanctissimae virgines

atque coniugatae,
Viduae et martyres

Deo dedicatae,
Omnes sancti sanctacquo,

Pro nobis orate,
Deum vestris precibus

nobisque placate.

Ad Completorium.

7. Ut per vos sit gratia

sua nobis data,
Deleantur vitia,

mundentur peccata,
Vitentur pericula,

omnia sint grata,
Nobis detur gratia

in sede beata.

Conclusio.

8. Has horas sic recolo

cum devotione,
Vobis, sancti sanctacque,

pia ratione,
Pro me ut assidua

intercessione
Rogetis abs aliqua

intermissione.

AdminBookmark

AdminBookmark