6. Septem Horulae operum divinorum septemplices.

I.

Ad Matutinum.

1. Pater Iesum generavit
Divina ex essentia,

Sanctum spiritum spiravit,
Creavit cuncta entia,

Iesus caelum decoravit
Angelica praesentia.

Ad Primam.

2. Iesus praemia donavit
Praecongrua spiritibus,
Pravos damnans confirmavit

Cum caeli pios dotibus,
Protoplaustos superavit
Satan pravis affatibus.

Ad Tertiam,

3. Iesus mundum subiugavit
Divinis gubernaculis,
Patrum chorum praelegavit

Mirificis miraculis,

Quibus se praenuntiavit

Veridicis oraculis.

Ad Sextam.

i. Ex Aegypto liberavit

Iesus plebem Iudaicam

Et in Sina promulgavit
Iustam legem Mosaicam,

Pios salvans castigavit

Per vim malos Chaldaicam.

Ad Nonam.

5. Iesus totam conservavit
Mariam sincerissimam,

Ioseph iusto copulavit
Ut sponsam praeclarissimam,

Voto cunctis praerogavit
Ut virginem firmissimam.

Ad Vesperas.

6. Pater virgini legavit
Divinam fortitudinem,

Quem nascendum nuntiavit
Iesum pellens formidinem,

Sanctum pneuma fecundavit
Consentientem virginem.

Ad Completorium.

7. Iesus vatem exaltavit
Mariae ministerio,

Pater vatis exsultavit
Salutis pro mysterio,

Ioseph angelus firmavit
Caelesti magisterio.

II.

Ad Matutinum.

1. Iesus nocte pauper natas
De virgine homuncio,

Fit pastoribus delatas
Angelico ex nuntio,

Bethlehem praesepi datus,
Quem laudat caeli contio.

Ad Primam.

2. Iesus sanctus praeputatus
Octavo fit [n] lumine,

Priscis aequus sublimatus
Salvifico sic nomine,

In salutem nobis datus
Hanc capit fuso sanguine.

Ad Tertiam.

3. Iesus magis declaratus
Splendenti novo sidere

Honoratur, adoratur

Triformi ab his munere,

Regum chorus informatus
Novo redit itinere.

Ad Sextam.

4. Iesus pauperum oblatus
Est patri sacrificiis,
Quem amanter amplexatus

Est senex sanctis brachiis
Prophetarumque laudatus
Condigne fit officiis.

Ad Nonam.

5. Iesus fugax est moratus

Aegyptio exsilio,
Innocentum grex mactatus

Herodis fit imperio,
Post quod Iesus fit relatus

Angelico consilio.

Ad Vesperas.

6. Iesus templo occupatus
Parentibus fit insciis,

Non inventus, vestigatus,
Quaesitus cum tristitiis,

Fit in templo declaratus
Et subditus nutrieiis.

Ad Completorium.

7. Iam tricennis baptizatus
Iordanis Iesus flumine,

Dei natus declaratus
Fit patris clarus famine

Et columba demonstratus
Fit plenus sancto flamine.

III.

Ad Matutinum.

1. Iesus eremo moratus,
Adfligens se ieiunio,

Est tripliciter temptatus
Famescens a daemonio,

Qui devictus confutatur
Scripturae testimonio.

Ad Primam.

2. Dum ad nuptias vocatur
Iesus sua potentia,

Aqua vinum fit, monstratur
Hinc eius praeminentia.

Virginis cum postulatur
Compassae diligentia.

Ad Tertiam.

3. Iesu contio vocatur
Virtute apostolica,
A quo nova promulgatur
In mente lex catholica,
Sed et turba informatur
Doctrina parabolica.

Ad Sextam.

4. Quae doceret, operatur
Utrisque in temporibus,
Iesus gregi, fatigatur

Exemplar ens pastoribus,
Culpa piis relaxatur
A Iesu peccatoribus.

Ad Nonam.

5. Daemon hydropis fugatur,
Cum febre lepra pellitur,
Vita, sensus, vox donatur
A Iesu, motus redditur,
Panis multis procreatur
Sedatur mare, teritur.

Ad Vesperas.

6. Iesu pio derogatur

Divinis in miraculis,

Bonus Iesus blasphematur
Pro caelicis oraculis,

Et insidias dignatur
Sufferre ab homunculis.

Ad Completorium.

7. Plene Iesus adprobatur
Paterno ex oraculo,

Dum in monte transformatur
Multiplici miraculo,

Pneuma sanctum contestatur
Cum nubis umbraculo.

IV.

Ad Matutinum.

1. Iesum asinus portavit

Paratus cum panniculis,

Rex mansuetus tunc ploravit
Pravorum pro piaculis,

Dum hunc turba honoravit
Veste, voce, ramusculis.

Ad Primam.

2. Templum intrans exturbavit
Mercantum maleficium,
Sanitatis restauravit

Infirmis beneficium,
Iesus egens reintravit
Bethaniae hospitium.

Ad Tertiam.

3. Pharisaeos increpavit

Multiplici eloquio,
Iesus plebem informavit

Doetrinae cum obsequio,
Suos orbis praefirmavit

De fine cum praeloquio.

Ad Sextam.

4. Prava gens se adunavit
In Iesum conspiramine,
Quem a Iuda comparavit

Privato pio agmine,
Postquam Iesum pia lavit
Perungens hunc unguimine.

Ad Nonam.

5, Iam se Iesus absentavit
Pravorum a consortio,

Passionis praetractavit
Cum matre de exitio,

Suo suos contristavit
Venturo mox supplicio.

Ad Vesperas.

6. Iesus suis pedes lavit
Humillimo servitio,
Proditorem revocavit

Verbis, signis, officio,
Eucharistiae donavit
Se nobis beneficio.

Ad Completorium.

7. Iesus suos confortavit
Sermonis elegantia,

Patrem orans exsudavit
Cruorem pro instantia,

Se dans patri obviavit
Adversis cum constantia.

V.

Ad Matutinum.

1. Iesus traditus ligatur,

Offertur, ductus caeditur,

Criminatur, adiuratur,
Affligitur, illuditur,

Ter a Petro denegatur
A suis derelinquitur.

Ad Primam.

2. Iesus vinctus accusatur
Pilato, quo defenditur,

Sed Herodi destinatur,
Lusus, spretus remittitur,

Barrabas, cum allegatur
Mos, licto Iesu petitur.

Ad Tertiam.

3. Crucifigi postulatur,

Flagellis Iesus caeditur,
Ut rex spinis coronatur,

Cum veste sceptro luditur,
Adoratur, salutatur,
Illusus sic producitur.

Ad Sextam.

4. Iesus morte nunc damnatur
Pravorum pro clamoribus,

Sua cruce oneratur

Permagnis cum doloribus,

Volens cruci conclavatur
Pro nobis peccatoribus.

Ad Nonam.

5. A se patri immolatur
Pro mundi sacrificiis,

Iesus septem verba fatur
Exspirans in suppliciis,

Latus lancea foratur
Nos donans beneficiis.

Ad Vesperas.

6. Mundus Iesum lamentatur
Devotique cum virgine,
Dum de cruce declavatur
Piorum cum iuvamine,
Osculatur et lavatur

Cum lacrimarum flumine.

Ad Completorium.

7. Devotarum adparatur

Aromatum cum cumulo,

Rex caelestis interratur
Sepulcri habitaculo,

O quam maesta separatur
A Iesu mater tumulo.

VI.

Ad Matutinum.

1. Iesus patres visitavit

Proscriptos temporaliter,

Adumbratas illustravit
Seipso facialiter,

Illos sic felicitavit
Fruentes aeternaliter.

Ad Primam.

2. Patrum chorus exsultavit
Sollemni cum laetitia,

Quia Iesus visitavit
Hos sua cum praesentia,

Cuius orcum penetravit
Virtutis efficacia.

Ad Tertiam.

3. Nunc Iudaeus exsultavit
Iniquo nimis fibulo,

Custodiri impetravit
In suo Iesum tumulo

A Pilato, qui his favet,
Custodum dato cumulo.

Ad Sextam.

4. Quam permaxime plagavit
Iesu passi maestitia,
Fuit illa, quae portavit
Hunc spiritali gratia,
Tam hanc in hunc transformavit
Amoris vehementia.

Ad Nonam.

5. Pios nimis contristavit
Mors Domini vilissima,
Quibus mortem renovavit

Memoria piissima,

Quam deleri denegavit

Dilectio iustissima.

Ad Vesperas.

6. Desperatio prostravit
Cohortem apostolicam,

Sexus pius praeparavit
Tunc unctionem mysticam,

Fidem mater tunc servavit
Iesu sola catholicam.

Ad Completorium.

7. Iesus Satanam calcavit
Victoris formidine

Et infernum spoliavit
Virtutis valetudine,

Tristem mortem devoravit
Hanc spolians formidine.

VII.

Ad Matutinum.

1. Iesus felix remeavit

Ex mortuis primitiae,

Se dilectus declaravit
Repletus amicitiae,

Quos sic testes praeparavit
Fidelium militiae.

Ad Primam.

2. Iesus caelicum intravit

Cum patrum regnum agmine,
Quos beatos collocavit

In suo quosque ordine,
Spem in suis procreavit
De dando caeli culmine.

Ad Tertiam.

3. Iesus Spiritum legavit

Sanctissimum discipulis,

Illos omnium ornavit

Linguarum cum munusculis,

Mirum posse his donavit
Agendis in miraculis.

Ad Sextam.

4. Iesus matrem evocavit
Cum tota caeli curia,

Super cunctos coronavit
Imperiali gloria,

Advocatam ordinavit

Hanc mundo pro penuria.

Ad Nonam.

5. Iesus mundo derivavit
Doctrinam theologicam,

Qua ecclesiam fundavit
Per saeculum catholicam,

In qua duci demandavit
Nunc vitam apostolicam.

Ad Vesperas.

6. Iesus mundum iudicabit
Finali rex iudicio,

Orci malos condemnabit
Aeterno in supplicio,

Bonos vocis advocabit
Grratissimae officio.

Ad Completorium.

7. Iesus bonos liberabit
Omnis mali instantia

Et perfecta satiabit
Omnis boni praesentia,

Illos in se quietavit
Aeterna inhaerentia.