24. Horae de Passione Domini.
Ad Vesperas.

1. Ave, Iesu, panis vitae,
Pascens cuncta, regens rite,
Advenisse cum sciebas
Tempus tuum, veniebas
Ad cenam ad vesperas.

2. Legis agnum manducasti
Cum amicis, quo monstrasti
Iam tunc verum sanctum agnum
Te pro cunctis immolandum
Pascha mutans typicum.

3. Convescendo tuis caris
Te tradendum fatebaris
Ab eorum uno fure,
Celas eum, sed future
Praenuntias luere.

4. Hinc a cena surgis cito
Tuis atque maledicto
Lavas, tergis, oscularis
Pedes ; o quam singularis
Amor nimis humilis !

5. Tuis novum das mandatum,
Hoc est tibi summe gratum,
Invicem ut diligamus
Tibique inhaereamus,
Tu nos amasti primitus.

6. Resedisti dominator,
Vivi panis consecrator,
Corpus, sanguis mundi vita
Fit ex pane, vino ita
Te sacrante mystica.

7. Novum testamentum tale
Vocas et memoriale,
Sacramentum laude plenum,
O quam dulce et amoenum
Est hoc et sanctissimum.

8. Tandem post recessum Iudae
Multa praemonstrasti nude
Tuis tuo de parente
Alta loquens blanda mente
Et de sancto pneumate.

9. Iesu, fac me tuae cenae
Caelitus consortem plene,
Et mandatum nobis datum
Per me fiat, ut sit gratum
Tibi atque placitum;

10. Vita cum advesperascit,
Christe, corpus tuum assit,
Da, ut sumam semper digne,
Quia laudo te, benigne,
Patremque cum flamine.

Ad Completorium.

1. Ave, Iesu, rex caelorum,
Consolator miserorum,
Qui post cenam exis parum
Mox ad montem olivarum
Tuum turbans animum.

2. Hora ultima diei,

O salvator omnis rei,

Anxiatus es in prece

Amarissima pro nece

Imminenti propere.

3. Nostra tactus egestate
Terram petens petis a te
Patrem calicem auferre,
Velle suum sed praeferre
Voluisti, Domine.

4. Forti tunc in agonia
Pugnas, vera tu sophia,
Sudor sanguinis emanat
De te, cuius virtus sanat
Saucios et recreat.

5. Ab angelo voluisti
Confortari, sed scivisti
Nobis illud profuturum,
Ut semper de te securum
Speremus auxilium.

6. Exhortatus es orare
Tuos atque vigilare,
O mi bone exhortator,
Da, ut vigil sim orator,
Audi, cum te deprecor.

7. Consolare me, o pie
Fili Dei ac Mariae,
Cum agone mortis premor.
Iesu, tunc sis mei memor
Semperque, cum tribulor.

8. Sudor tuus, nate Dei,
Sanet culpas tui rei
Maculasque peccatorum
Mundet et me praeceptorum
Dei reddat strenuum.

9. Tibi laudes, Iesu Christe,
Quamdiu est mundus iste,
Dicant omnes creaturae
Lucis huius et futurae,
Laudent te perpetue.

10. Gloria sit patri Deo,
Salvatori quoque meo
Et spiritui aequali,
Laus sit Deo aeternali
A me vili humili.

Ad Matutinum.

1. Ave, Iesu mi benigne,
Mitis et redemptor digne,
Qui in nocte matutina
Mente obvias agnina
Hostium ad agmina.

2. Innocens ad malam gentem
Te praesentas inquirentem,
Vitam tuam trucidare
Iudas spondet, signum dare,
Osculo te tradere.

3. Voce tua sunt prostrati
Ipse Iudas et ingrati,
Manu impia ceperunt
Teque terrae prostraverunt,
Funibus te vinciunt.

4. Sed pro malis bona donas,
Quando aurem Malchi sanas,
Duceris ut latro reus
Quam crudeliter, o Deus,
Usque Annam protinus.

5. Es a tuis derelictus,

Petras negat ter convictus,
Multum plorat et minister
Tibi dat, summe magister,
Alapam atrociter.

6. Tunc te trahunt animosi
Domum Caiphae dolosi,
In te surgunt falsi testes,
Pontifex dirumpit vestes,
Te blasphemant pluries.

7. Adclamarunt "reus mortis",
Siles, agne mitis, fortis,
Truci manu alaparis,
Saepius colaphizaris,
A spurcis conspueris.

8. Velo turpiter illudunt,
Palmis caedunt, pugnis trudunt,
Poscunt te prophetizare,
Te ut stultum subsannare
Repetunt cum verbere.

9. Solve, Christe, funes mortis,
Aufer male pravae sortis,
Pelle servos inferorum,
Fidem evangeliorum
Da tenere omnium.

10. Sputa tua me decorent,
Plagae durae robur donent
Velumque defendat bene,
A me tibi laus sit plene
Patrique cum flamine.

Ad Primam.

1. Ave, Iesu Christe suavis,
Multa passus es a pravis,
Hora prima dum Pilato
Mali tradunt te irato,
Iudici nefario.

2. Negant regem accusantes,
Falsa dicunt malignantes,
Taces, Christe, nec reclamas,
Iudex noscit, quia amas,
Veritatem praedicas.

3. Plebis clamant subversorem,
Te Pilatus ad Herodem
Misit et ille derisit,
Alba veste te remisit
Et Pilato adnuit.

4. Iesus Barrabae aequatur,

Pro latrone iustus datur.

Et dimittunt reum istum,

Crucifigi Iesum Christum

Poscant ut maleficum.

5. Hinc nudatur sua veste,
Ligant ad columnam reste
Dominum liberatorem
Virgis flagrisque cruorem
Fundunt atque sanguinem.

6. Plagis lacerantes terunt,
Magisque punire quaerunt,
Undique dilaniatum
Indumento purpuratum
Derident ut fatuum.

7. Caput sacrum pungunt spinis

Ita, ut profundis rinis

Sanguinem decorum rorant,

Arundinem dcxtrae donant,

Ave, rex, ingeminant.

8. Illudentes simul ruunt,
Alapizant atque spuunt,
Genas roseas evellunt
Caput sceptroque percellunt,
Ironiam repetunt.

9. Vestes tuae ironiae,
Sputa, flagra atque spinae
Et arundo tua, Christe,
Me defendant poenae istac
Cum fluente sanguine.

10. Cuncta fac me imitari,
Quia digna sunt laudari,
Tu pro istis sis laudatus,
Pater simul atque flatus
Ex corde medullitus.

Ad Tertiam.

1. Ave, Iesu clemens, pie,
Nobis dux caelestis viae,
Qui ad crucem postulatus
Es, excusat te Pilatus
Anxius et territus.

2. Verbum iterant malignum,
Crucifigi dicunt dignum,
Regem sempiternum negant,
Caesarem pro se allegant,
Ut Christum interimant.

3. Foris ducit te vesanus
Lavatque Pilatus manus,
Sistit tribunali Iesum
Coronatum atque caesum,
Falsum fert iudicium.

4. Iudaeorum voluntati
Tradit Iesum, qui irati
Tractant ipsum dure nimis,
Sputis, plagis atque minis,
Satiant opprobriis.

5. Spinis, purpura exutum,

Suis vestibus indutum

Et corona regravatum,

Trabe crucis oneratum

Trahunt ad supplicium.

6. Turba multa comitatur,
Mulieres consolatur
Iesus anxius et fessus
Et sub crucis mole pressus
Golgath venit gravius.

7. Crucem vestesque deponunt
Violenter et reponunt
Laeso capiti spinetum,
Potum dant fel et acetum,
Cruci iungunt inclitum.

8. Sacri artus lacerantur,
Ossa cuncta numerantur,
Clavi forant manus, pedes,
Sanguis ornat crucis asdes,
O dolenda species.

9. O innocens agne Dei,
Sis benignus iudex mei,
Fac me crucem baiulare,
Fac in cruce tecum stare
Sicque te diligere.

10. Te collaudo, mi redemptor,

Vitae dator, necis demptor,

Tibi sint cum patre laudes,

Pneumati, in quo congaudes,

Centies et, millies.

Ad Sex tam.

1. Ave, Iesu mihi care,
Caritatem tuam clare
Hora sexta ostendisti,
Cum ad te cuncta traxisti
Crucis fixus stipite.

2. Casu crucis conquassatus,
Sceleratis adaequatus,
Pendens medius latronum,
Cunctis praestans caeli donum,
Adae solvens debitum.

3. Vestes tuas ludo emunt,
Praeeuntes te infremunt,
Caput movent, Vach clamatur,
Quare non per se salvatur,
Qui salvasse dicitur?

4. Sed abyssus pietatis
Orat patrem pro ingratis,
Nobis ponens istis normam,
Praeses scribit regis formam
Christo signans gloriam.

5. Hinc latronem blasphemantem
Sustines, sed paenitentem
Suscipis aperiendo
Paradisum et spondendo,
Spem dans omni impio.

6. Vides piam matrem flentem
Dolesque compatientem,
O quam valde visus tristis,
Quando commutatur istis
Filius et genetrix.

7. De Iohanne audit mater:
Tuus natus, meus frater,
Audit iste de Maria:
Ecce, mater tua pia;
O quam mirabilia!

8. Cumque cessat visus horum,
Tenebrescit lux caelorum
Usque horam nonam plene,
O mi Iesu, fac me bene
Laudes tibi canere.

9. Me defende cruce tua,

Clavi sanguisque vi sua

Me absolvant et regalis

Titulus a cunctis malis

Servet et periculis.

10. Matri me recommendare,
Paradiso me vocare
Velis, Iesu, lux aetcrna,
Tibi, Christe, sit paterna
Cum spiritu gloria.

Ad Nonam.

1. Ave, Iesu, nostra vita,
Crucis poenas passus ita,
Hora nona tu dixisti:
Heli, cur me reliquisti?
Voce clamans lugubri.

2. Aliena persolvebas,
Nostra crimina lugebas,
Clamitasti te sitire,
Ut velimus ad te ire,
Hoc sitisti, Domine.

3. Sempiterna tu dulcedo,
Dulcis totus plus quam medo,
Quam amarum fel gustasti,
Quando morti propinquasti,
O amor incendii.

4. Consummatum est, tu clamas
Et ad mortem usque amas
Nos rebelles peccatores,
Dolens nostros malos mores,
Ut nos ad te traheres.

5. Hinc fecisti altum planctum
Spiritumque vere sanctum
Patris manibus commendas,
Ut nobis vel sic ostendas,
Quantum tu oboedias.

6. Nam inclinas caput dignum,
Nobis praebens te benignum
Et exhalas tuum flatum
Sanctum et immaculatum
Nostrum sanans spiritum.

7. Terram movit mors haec dura,
Petras scidit haec pressura,
Velum templi scissum docet,
Mors haec malis quantum nocet,
Cum pios sanctificet.

8. O vitale lignum crucis,
Ferens mortem mortis trucis,
Quae et mortem sempiternam
Interfecit et aeternam
Nobis dedit gloriam.

9. Ne relinquas nos, salvator,
Nunc sis aquae vivae dator,
Fac nos bene consummari,
Patri per te commendari
Et a morte eripi.

10. Gratiarum laudes magnae
Tibi sint, o Dei agne,
Morte crucis sic oblatus
Sit cum patre collaudatus,
Sanctus quoque spiritus.

Ad Vesperas.

1. Ave, Iesu, spes reorum,
Miserator peccatorum,
Qui ad horam vespertinam
Mortis sanctam post ruinam
Diram suffers lanceam.

2. Latus sacrum reseratur,
Et cor mite vulneratur,
Ut amorem revelaret,
Quo peccator subintraret,
Dum adversa sustinet.

3. Fluit unda, quoque sanguis,
Quis prostatur vetus anguis,
Sic, sic homo renovatur,
Et cor eius debriatur,
Vitaque reficitur.

4. Homo, ibi si fuisses
Et cruorem collegisses
Tui Iesu, posses scire,
Quam suave sit sitire
Calicem et bibere.

5. Hinc Ioseph et Nicodemus
Tollunt Iesum, quem amemus,
Et de cruce tradunt tristi
Dulci matri Iesu Christi
Casto dantes sinui.

6. Dulces lacrimae irrorant
Membra Christi, quae de-
corant,
Et os ori applicatur,
Cuncta membra osculatur,
Sic dilecto iungitur.
7. Quis det digne contristari
Tibi, mater, et aptari,
Quae sic raperis amore,
Mori posses prae fervore,
Prae luctu deficere.

8. Virgo, facta mea fiere
Fac et tibi condolere,
Tibi me recommendatum
Habe, mater, et placatum
Tuum redde filium,

9. Iesu, vulnera cor meum
Et fac me amare Deum
Et cruore tuo sana,
Aqua lava, plagis plana
Cuncta mea crimina.

10. Christe, grates tibi promo,
Patri in superna domo
Et spiritui amborum,
Sit decora laus hymnorum,
Honor et imperium.

Ad Completorium.

1. Ave, Iesu, salus vera,
Aromate hora sera
Recondit uterque iustus
Te Ioseph et Nicodemus,
Planctus dant et gemitus.

2. Munda sindone involvunt
Sacrum corpus et resolvunt
Dulces rivos lacrimarum
Et magistrum dulcem, carum
Ponunt in mausoleum.

3. Saxo tumulum obserant,
Surrecturum tamen sperant,
Sed ludaei saxum signant,
Opes dant servis, ut fingant
Et furatum asserant.

4. Lamentantur mulieres
Tunc devotae ac sinceres
Unigenitique planctum
Super te peragunt sanctum,
Te amantes unicum.

5. Cum iaceret sic in petra
Corpus tuum, tunc ad taetra
Loca descendis inferni,
Portas serasque Arverni
Manu rumpis celeri.

6. Sempiterna nox lucescit,
Turba daemonum horrescit,
Ligat Satan rex serenus,
Fit iucundus laude plenus
Vinctus Dei populus.

7. Advenisti exspectatus,
Clamant, et desideratus,
Nostram noctem illustrasti,
Educ tecum, quos levasti,
De carcere tartari.

8. Regem sequitur grex laetus
Paradisum, tunc quietus,
Conspicit Eliam bonum
Enoch et dextrum latronem,
Omnes laudant Dominum.

9. Castitate involutum
Fac me tibi consepultam
Et virtutibus condiri,
Iesu, fac me planctum iri,
De tenebris erigi.

10. Custodire me dignare,
Paradisum da intrare,
Quia tibi hymnum canto,
Patri pneumatique sancto
Laudes sint cum iubilo.

De Resurrectione.

1. Ave, Iesu gloriose,
Noster rex victoriose,
Qui ut leo fortis nimis
Propria virtute imis
Resurgis a mortuis.

2. Totus nam lorificatus
Triumphoque laureatus
Exis tumulo serata,
Sic decepto cum Pilato
Iudaeorum populo.

3. Luce resurgentis visa
Virtus militum elisa,
Iacent, tremunt tabescentes,
Contremiscunt malae gentes,
Iusti fiunt alacres.

i. Prima sabbatorum sane
Surgis, rex caelorum, mane,
Cum unguentis te quaerentes
Mulierum pias mentes
Respicis et humiles.

5. Nam post visum angelorum
Vident te, o spes maestorum,
Plus amanti Magdalenae
Prius te monstrasti plene,
Ut te narret vivere.

6. Ioseph, qui est iustus homo,
Monstras te et Nicodemo,
Iacobo in speciali
Petroque fiduciali,
Post hoc te discipuli

7. Omnes vident convescentem
Et ignaros edocentem,
Thomae confers dubitanti
Latus, vulnera palpanti,
Laudem verae fidei.

8. Sed prae cunctis, credo, piae
Matri monstras te Mariae,
Fide plenam reples visu
Dulci tuo et adrisu,

Plausum das pro gemitu.

9. Inclite rex, victor mortis,
Tuus sim athleta fortis,
Da videre amorosum
Te in regno gloriosum
Post hunc vitae terminum.

10. Qui sedes ad dextram patris,
Fac, ut surgam cum beatis,
Et cum tuis da regnare,
Tibi glisco laudes dare,
Patri cum spiramine.