40. De Conceptione BMV.
Ad Matutinum.

1. Fletus longaevi rex regum misertus
Angelum mittit, gaudium pro luctu,
Ut dicat Annae: tempore senili
Prolem habebis.

2. Aeterni verbi concipies matrem,
Anna, tu gaude, quoniam nec talem
Esse nec credas futuram, hanc dicent
Omnes beatam.

3. Ioachim magno gaudio repletur,
Vocem dum audit angeli dicentis:
Pariet tibi Anna matrem Dei,
Grandem prae cunctis.

4. Gloria patri genitaeque proli,
Flamini sancto virginique matri,
Quae Dei natum genuit hominem,
Sit laus perennis.

Ad Primam.

1. Terminum noctis aeternus aurora
Reddidit mundo Mariam praemittens,
Gaudium mundi, stellam matutinam,
Praeviam solis.

2. In ortu lucis stellae maris pontus,
Terra laetetur, gaudeat peccator,
Nascitur mater Iesu redemptoris,
Maria clemens.

3. Caelici cives, reges terrae colunt,
Sterilis parit, miratur natura,
Stupet infernus videns sine labe
Virginem nasci.

Ad Tertiam.

1. Salutem mundo tribuere volens
E caelis Deus angelum Mariae
Mittit, ut dicat eam salutando:
Ave, Maria.

2. Gratia plena, concipies Deum,
Hoc tibi signum: Elisabeth, tua
Parens, concepit sterilisque sua
In senectute.

3. Puella gaudens Gabrielis ore

Suscipit verba, respondens sic dicit:
Ecce, ancilla Domini fiatque
Hoc verbum tuum.

Ad Sextam.

1. Puerum vatem habentem supremi
Alvo reclusum cognatam Maria
Montana Iudae ascendens salutat
Festino gressu.
2. Maria vocem Elisabeth audit,
Exsultat infans in utero clausus,
Prophetat mater dicens: quia credis,
Concipis verbum.

8. Virgo tam mira audiens et videns
Canticum novum reddit creatori,
Dulce dans melos: Magnificat Deum
Anima mea.

Ad Nonam.

1. Nascitur mundo verbum caro factum,
Solis transcendens lucem lux perfecta
Tenebris lucens, capere quam sui
Generis nolunt.
2. Gloriam Deo, pacem terrae cantat
Chorus caelorum, lux oritur nova,
Custodes gregis cantus angelorum
Audiunt nocte.
3. Pastores currunt cantus audientes
Natum videre pannis involutum,
Mariae natum vident in praesaepe,
Redeunt laeti.

Ad Vesperas.
1. Morte dum vides ortum vitae mori,
Quis, quantus dolor, gladius pertransit
Animam tuam, genetrix tu vitae,
O clemens mater !
2. Corporis nati videns plagas, latus,
Sanguinis fluxum, derisorum verba,
Lacrimas fundens tu subiaces humo,
Tu pia mater.
3. Me tecum fiere plagasque sentire,
Genetrix, dona tua prece nati,
Lancea, clavis, cruce, spinis pungi
Fac, dulcis mater.

Ad Completorium.
1. Reginae cacli e domo refertur
Iosaphat corpus, nihil reperitur
Ni locus, in quo, mannaque de caelo
Ibidem esse.
2. Credimus pie sanctorum cum choris
Iesum venisse, Deo iubilantes,
Animam, corpus simul sociantes
In summo caelo.
3. Trinitas sancta suscipiens matrem
Sertis coronat ter denis centenis,
Gaudium semper, iubilas in aevum
Sit tibi, mater.