51. De VII Gaudiis BMV.

Ad Matutinum.

1. Hora matutina

tuus, virgo, filius
Per Gabrielem nuntium

annuntiatur Dominus,
Per quem dicta vatica

vere sunt completa
Et tua casta viscera,

Maria, sunt repleta.

Ad Primam.

2. Hanc horam primulam,

virgo, cum amore
Tuo decanto dulciter

virgineo pudore,
Ex qua prodivit caelitus

lux solaris more,
Mater virgo permanes

virgineo cum pudore.

Ad Tertiam.

3. Hora tertia, virgula,

tuum natura quaerunt
Reges tres de insula,

secum dona ferant,
Sternentes se ad cunabula

ipsum adoraverunt
Oblatisque muneribus

ad partes recesserunt.

Ad Sextam.

4. Ad templum sacerdotibus

tua praesentavit,
Mater benigna, pietas

hunc, qui mundum lavit,
Quem dum cernens, Simeon

ensem prophetavit,
Qui mortis suae tempore

te, virgo, penetravit.

Ad Nonam.

5. Hac hora sacratissima

tibi tunc detexit
Vultum suum Dominus,

quando resurrexit,
Qui secum patres veteres

tunc de limbo vexit,
Ob hoc desperatissimos

multos hic allexit.

Ad Vesperas.

6. Inauditum gaudium,

virgo, concepisti
Quando tuum filium

scandere vidisti,
Cum Ierusalemam

post eum exivisti,
Tandem Ierusalemam

gavisa introisti.

Ad Completorium.

7. Virgo splendens lucida

ac pulchra quasi stella,
Post natum scandis in mora,

regia o cella,
Advocata optima

sis nobis, o puella,
Pro nobis et miseris

semper interpella.