53. De VII Gaudiis BMV.
Ad Matutinum.

1. Gaude primum, o Maria,
Ab aeterno tui quia

Facta est praevisio,
Gaude, porta semper clausa
Nostraeque salutis causa

Et culpae discissio.

2. Gaude, nullum scire credo,
Quanta tui sit dulcedo

Et nominis descriptio,
Gaude, sapit plus quam caeli
Manna plebi Israeli

Datum in Aegyptio.

3. Gaude, Aaron virgo frondens,
Fructum vitae nobis spondens,

Mirando indicio,
Gaude, imber gratiarum,
Vas distillans, vas praeclarum,

Istum imbrem sitio.

4. Gaude, nostrum ad necesse
Te produxit radix Iesse

De regali solio,
Gaude, dono speciali
Fulta, quod non queas mali
Vitiari lolio.

5. Gaude, David stirps et heres,
Cui super mulieres
Datur benedictio

6. Gaude, virgo, vitae porta,
Per quam nobis lux est orta,

Caeli fit apertio,
Gaude, clavis es de sera,
Per quam prophetarum vera

Patefit assertio.

7. Gaude, ventre in materno
Deus servat a veterno
Te culpae contagio,
Gaude, Anna te produxit,
Stella maris mundo luxit
Salvans a naufragio.

8. Gaude, rosa carens spina,
Morum nitens disciplina,

Dei vacans otio,
Gaude, virgo, nulla talis,
Te non vicit temporalis

Saeculi commotio.

Ad Primam.

1. Gaude, virgo, Ioscph viro
Desponsaris more miro

Sine matrimonio,
Gaude, virginalem florem
Deus celat et pudorem

Tali testimonio.

2. Gaude, templo praesentaris,
Angelorum visitaris

Frequenti obsequio,
Gaude, solam in conclavi
Salutavit te suavi

Gabriel colloquio.

3. Gaude, viso Gabriele
Eius dulcis te loquelae

Roborat intentio,
Gaude, sola digna fore
Salutari novo more,

O verbi inventio!

4. Gaude, inquit, ave, digna,
In te sunt virtutum signa

Et mundi salvatio,
Gaude, gratia tu plena,
Salvat te ab omni poena

Dei miseratio.

5. Gaude, virgo, tecum Deus,
Ne damnetur homo reus,

Per te cedit ultio,
Gaude, virtute amicta,
Super omnes benedicta,

Te his verbis fulcio.

6. Gaude, virgo, corde puro
Mirabaris de obscuro
Verbo ac mysterio,
Gaude, inquit verbi lator,
Ex te nasci vult salvator
Pio desiderio.

7. Gaude, partum expavescis,
Edoceris, quia nescis,

Qualis sit conceptio;
Gaude, tua fides fecit,
Quod resurgunt, quos deiecit
Colubris deceptio.

8. Gaude, virgo, regnum David
Tuae proli adaptavit

Deus ab initio,
Gaude, pneuma Dei patris
Nomen tibi aptat matris

Absque carnis vitio.

Ad Tertiam.

1. Gaude, Deus te suscepit,
Ut salvaret, quos decepit

Fraudulenta sponsio,
Gaude, tua, quod consentis,
Caput trivit mox serpentis

Humilis responsio.

2. Gaude per humilitatem
Te vocasse deitatem
De caeli palatio,
Gaude, quod te obumbravit
Pneuma sacrum, cum intravit
Te divina natio.

3. Gaude, Deum concupivit
Tuum cor, quod erudivit

Sui roris unctio,
Gaude, virgo, concepisti
Iesum, quando credidisti

Gabrieli nuntio.

4. Gaude Dei ex conceptu
Virglnalique conseptu

Et pudoris lilio,
Gaude, cuncta claudens palmo
Est in tui ventris almo

Clausus domicilio.

5. Gaude, quod ad montem ire
Festinabas et servire

Cognatae cum studio,
Gaude, Elisabeth audit
Verbum tuum, unde plaudit

Cordis cum tripudio.

6. Gaude, matrem Christi ''novit
''Te Iohannes, quando movit

Se in matris gremio,
Gaude, regis ad edictum
Quando isti, benedictum

Fructum das cum praemio.

7. Gaude, vice obstetricum
Bethlehem implesti vicum

Seraphim servitio,
Gaude, quia angelorum
Scit adesse tibi chorum

Tua parturitio.

8. Gaude, quando paris Iesum,
Virginale non est laesum

Decus suo flosculo,
Gaude, tibi caeli cives
Assunt, pauper simul dives

Uniuntur osculo.

Ad Sextam.

1. Gaude, mater, tibi soli
Competit ac tuae proli

Laus et genuflexio,
Gaude, in te virginalis
Et honoris maternalis

Vera est connexio.
2. Gaude, parens novae laudis,
Angelorum voces audis,

Vernat caeli regio,
Gaude, Christus cum locatur
In praesepe, visitatur

Pastorum collegio.
3. Gaude, tuum corpus Christum
Pavit, angelorum pistum,

Lacte cum virgineo,
Gaude, nomen proli datur,
Circumcisus purpuratur

Colore sanguineo.

4. Gaude, verbi Dei cella,
Magos duxit lucens stella

Suo ministerio,
Gaude, reges tres adorant
Tuam prolem et honorant

Te in puerperio.

5. Gaude, quia magos docet,
Quod Herodi regi nocet,

Nocturnalis visio,
Gaude, quod decepit regem,
Dans in Christum mortis legem

Infantum occisio.
6. Gaude, prolis tu vagitum
Placas iuxta matrum ritum

Osculi solacio,
Gaude, virgo et matrona,
Christus sui in persona

Templi fit oblatio.

7. Gaude, quando vitae prolem
Offers, senex verum solem

Videt cordis oculo,
Gaude, Iesum videns Anna
Mox divinum gustat manna
Cum salutis poculo.
8. Gaude, regis fugis minas,
Partes quaeris peregrinas

Angeli consilio,
Gaude, loseph quod monetur,
Puer ut reduceretur
Tecum de exsilio.

Ad Nonam.

1. Gaude, quod in templo natum
Invenisti collocatum

In doctorum medio,
Gaude , . , . . . .

2. Gaude, Iesu baptizato
Mundat omnes a peccato

Baptismalis lotio,
Gaude, nam, quae tuncgeruntur
Et de Christo referantur,

Conservat devotio.

3. Gaude, mundus hoc exegit,
Quod apostolos elegit

Christus in hoc bivio,
Gaude, quia te praesente
Iesus vinum de torrente

Fecit in convivio.

4. Gaude, Iesus manifestat
Se, salutem quando praestat

Signis et prodigio,
Gaude, Christus non quievit
Laborare, donec crevit

Haee sancta religio.
5. Gaude, Iesus triumphavit,
Mortem vincens liberavit

Nos de mortis vinculo.
Gaude, consolantur flentes
Mulieres tres quaerentes

Dominum in tumulo.
6. Gaude, mira quia gessit
Christus, visus dum excessit

De sepulchri solio,
Gaude, postquam rexurrexit,
Quosdam extra limbum vexit

Pio facto spolio.

7. Gaude, per terrenos testes
Declaratur et caelestes

Christi resurrectio,
Gaude, quia Thomae tactus
Est revera nobis factus

Fidei erectio.

8. Gaude, Christus, ut praedixit,
Consolatur, quos adflixit

Mortis in supplicio,
Gaude, suis se ostendit
Multis modis et accendit

Verbi beneficio.

Ad Vesperas.

1. Gaude, die quadrageno
Iesus latus est sereno

Te vidente nubilo,
Gaude, Christus caelos redit
Et ad dextram patris sedit

Cum ingenti iubilo.
2. Gaude, Christus dat in igne
Virtutis donum insigne

Clausis in cenaculo,
Gaude mundo quod electi
Praedicare sunt directi

Fidem cum miraculo.

3. Gaude, quae per Christum legis

Normam datam novae legis

Populo catholico,
Gaude, quod in mortis hora
Circumdaris sine mora

Coetu apostolico.
4. Gaude quod assumptioni
Tuae assunt omnes throni

Christo quidem praevio,
Gaude, es ad caelos vecta,
Per te patet via recta,

Quam sequens non devio.

5. Gaude, his in terra usa,
Sed in caelis es diffusa

Ampliori gaudio,
Gaude, hoc delectat si te
Carmen, supplicanti rite,

Quaeso, die: exaudio.
6. Gaude, quae in fide cernis
Iesum cum turmis supernis

Tollentem te de saeculo,
Gaude, anima et caro
Tua lucent in praeclaro

Deitatis speculo.

7. Gaude, cunctis superlata,
Nulli viro comparata

Dignitatis socio,
Gaude, laudum et honorum
Sic secura, quod eorum

Nulla est amotio.
8. Gaude, Christo sic coniuncta,
Quod cum ipso agis cuncta,

O felix conventio I
Gaude, caeli luminare,
Claritatis carens pare,

Paris nec sit mentio.

Ad Completorium.

1. Gaude, nam ex tuo vultu
Sanctis et ex miro cultu

Venit iucundatio,
Gaude, quae indifferenter
Cunctis ades, si decenter

Tui fit invocatio.

2. Gaude, virgo semper laeta,
Misereri reis sueta

Quovis in periculo,
Gaude, quae dum invocans,
Opem ferre non moraris

Pio adminiculo.

3. Gaude, gaudens nunc postremo,
Est remotus quia nemo

A tuo praesidio,
Gaude, gaudens in perenne,
Virgo mater, a gehennae

Salva me discidio.
4. O Maria, quae fomenta
Das virtutum, me sustenta

Pietatis humero
Atque vitae meae cursum
Post hanc vitom loca sursum

In sanctorum numero.

5. Ubi sceptrum cum corona
Regni tenes, ibi bona

Detur mihi portio,
Pro hac laude gaudiorum,
Virgo mater, angelorum

Iunge me consortio.
6. O Maria, qui hoc sertum
Tibi promo, fac me certum

Tuo de auxilio,
Assis mihi in extremis
Collocando in supremis

Cum dilecto filio.

7. O Maria, virgo pia,
Mater Christi, caeli via,

Spes et miseratio,
Praesta mihi, qui tuorum
Sum succentor gaudiorum,

Sim et in solacio
8. Eorundem te praestante,
Iesu Christo mihi dante,

Cuius iram metuo,
Cum quo regnas, es et vivis,
Princeps mundi, caeli civis

Nunc et in perpetuo.

9. Omnis homo dicat Amen,
Orans patrem, natum, flamen,
Caeli frui gaudio.