70. De sancta Katharina.
Ad Matutinum.

1. Gaude virgo Katharina,
Quae caelestis es regina

Mundo dato caelitus,
Almi manus conditoris
Te formavit vas honoris

Libertate spiritus.

2. Gaude, virgo generosa,
Sapiens et gratiosa,
Costi regis unica,
Radix sancta complantata,
Re et nomine ornata
Velut arbor caelica.
3. Gaude, scholis deputata,
Nimis felix et sensata,

Annis puerilibus
Docta arte liberali,
Redimite et morali
Cunctis prae similibus.
4. Gaude, mitis et formosa,
Thesauris imperiosa,

Tutela pervigili
Servis tuis praefuisti,
Ut lucerna refulsisti
Sexu victo fragili.

5. Gaude, gazas assignatas
Nam pro Christo erogatas

Dedisti pauperibus,
Vitae huius blandimenta
Calcas duciter praeventa

Divinis muneribus.

G. Gaude, virgo, cum sis talis,
Angelis quod es aequalis

Castitatis lilio,
Chorum spernis principalem
Legem servas virginalem

Nubens Dei filio.
7. Gaude, sponsa delicata
Summi regis, decorata

Multis cum virtutibus,
Quibus vernas abundanter,
Multos trahis incessanter

His fecunda fructibus.

8. Eia, virgo laude digna,
Prece pia nos consigna

Rectori credentium,
Ut nos mundet a peccatis,
Donet sortem cum beatis
In terra viventium.

Ad Primam.

1. Gaude, clemens Katharina,
Lege prudens in divina,

Dum audisti sonitum,
Ad templum tunc properasti,
Causam rite sciscitasti

Et erroris exitum.

2. Gaude, maestos aspexisti,
Quibus tunc condoluisti

Mortis metu trepidis,
Miserorum consolatrix,
Hos ut fidei zelatrix

Dictis firmas fervidis.
3. Gaude, linguam consignasti
Signo crucis, quod amasti,

Procedens viriliter,
Regem vanum increpando,
Ritus tales confutendo

Restitisti fortiter.

4. Gaude, rerum creatorem
Mundi esse salvatorem

Perorasti clarius,
Deos plures abnegari,
Sectas vanas exsecrari

Firmasti lucidius.
5. Gaude, regi praesentata
Promissa spernis oblata,

Nimis torta asperis,
Aris iussa immolari,
Solem negas venerari

Tanti expers sceleris.
6. Gaude, capta o serena,
Quasi pauper et egena

Servans iudicio,
Nec ad votum inclinaris
Et a fide non mutaris

Parata supplicio.

7. Gaude, ad te sunt vocati

Magistri ac praesentati

Quinquaginta fortium,

Cum his sola pugnatura

Praemunitis fronte dura

Nullum prodis vitium.

8. Eia, virgo coronata,
Esto nostra advocata,

O candoris Ulium,
Ut a culpis praeservcmur,
Ne cum malis condemnemur,

Ora Dei filium.

Ad Tertiam.

1. Gaude, pia Katharina,
Consolatio divina

Te refecit dulciter,
Ab angelo visitaris,
Cum splendore circumdaris

Laetabunda iugiter.

2. Gaude, tuum quod certamen

Multis prosit in solamen,

Angelus pronuntiat,
Nec te solam coronandam,
Per te fore reparandam

Turbam, quam associat
3. Gaude, mire confortata,
Dona sperans peroptata

Orasti alacriter.
Sponsum tuum deprecando,
Ut te velit ordinando

Verbis ditare largiter.

4. Gaude, ducta tribunali,
Visu despecta ferali

A multis rhetoribus,
Tantis viris responsura
Stas pro fide conflictura
Terrae cum maioribus.

5. Gaude, primo incepisti
Praedicare nomen Christi

Et crucis mysteria,
Mox ab uno es derisa,
Verba clamat non decisa

Tumens pro victoria.
6. Gaude, verbis disputando,
Signis veris declarando

Divinam essentiam
Probas fore incarnatum
Verbum patris increatum

Amoris per gratiam.

7. Gaude, victrix dans elingues

Falsis argumentis pingues

Cum verborum turbine,
Sensu malo hebetati
Ratione illustrati

Sunt caelesti lumine.

8. Eia, virgo, decus morum,
Sublevamen sis lapsorum,

Christo reconcilia,
In tremenda mortis hora
Nobis assis sine mora
Pia per suffragia.

Ad Sextam.

1. Gaude, dulcis Katharina,
Tua refulsit doctrina

Ut solaris radius,
Ex te prodit sonus talis,
Non dat virtus animalis,

Sed divinus spiritus.
2. Gaude, per te sunt conversi
Oratores tunc perversi

Rerum mutato ordine,
Deum clamant esse verum,
Regem sprevere severam,

Gaudent in certamine.

3. Gaude, dum rex terrae saevit
Contra te et sanctos fremit

Crudeli sententia,
Tu electos confortasti,
In agone roborasti

Sermonis prudentia.
4. Gaude, flammis sunt iniecti,
Dono Dei sunt protecti

Ingenti miraculo,
Vita brevis consummatur,
Vera fides comprobatur

Sollemni spectaculo.

5. Gaude, astris hos invexit,
Cornu tuum qui erexit

Insigni victoria,
Profers fractum pietatis,
Rami tui honestatis

Exsultant in gloria.
6. Gaude, iterum temptata,
Verbis multis es vexata

Studio malitiae,
Post reginam nominandam
Te a cunctis venerandam

Fatur rex iustitiae.

7. Gaude, templi sanctionem,
Tumoris occasionem

Tibi promissam fatue,
Talem spernis tu honorem,
Derides quoque decorem

Erigendae statuae.
8. Eia, virgo, sponsa Christi,
Quem tu vere elegisti

Prae cunctis solaciis,
In amore fac nos stare
Dei caeli, deprecare

Nos frui deliciis.

Ad Nonam.

1. Gaude, mitis Katharina,
Conservata a ruina

Erroris perfidiae,
Nec te vincunt blandimenta
Nec exterrent vel tormenta,

Dum vis ardet invidiae.
2. Gaude, veste denudata
Mente manes illibata,

Dum stas in doloribus,
Corpus virgis laceratur,
Aurum sic examinatur

Mutatis tortoribus.

3. Gaude, cruorem fudisti,
Memor passionis Christi
Gaudes in verberibus,
Regi saevo insultasti,
Sibi poenas comminasti
Pro suis sceleribus.

4. Gaude, plagis vulnerata,
Iussu regis es artata
Carceris ergastulo,
In tenebrosis Iocaris,
De supernis illustraris
Lucis aeternae speculo.

5. Gaude, virgo veneranda,
Fame, siti crucianda

Ter quaternis noctibus
Iuxta tyranni edictum,
Cor servasti non devictum

Duris in laboribus.
6. Gaude, assunt consolando
Te in poenis confortando

Angelici spiritus,
Iamque cunctae res terrenae
Fiunt tibi alienae,

Pasceris divinitus.
7. Gaude, lux tibi allata
Fulsit foris revelata

Carceris custodibus,
Rumor volat ad reginam,
Te credit esse divinam

Amoris ardoribus.
8. Eia, virgo pulchra tota,
Cordis nostri cerne vota

Succurrendo miseris,
Memor esto supplicantis,
Rege actus te amantis,

Da partem cum superis.

Ad Vesperas.

1. Gaude, grata Katharina,
Caeli bravio vicina

Agone laudabili,
Visitaris a regina,
Quam salvasti a ruina

Virtute mirabili.

2. Gaude, cernis illustratam
Te esse atque sanatam

Suavi medicamine,
Sic appares decorata,
Gloriose circumdata

Supernorum agmine.

3. Gaude, per te est firmata
Regina, martyrizata

Caelos scandit altius,
Fidem tuam hos instruxit,
Quos ad Christum secum duxit,

Nobilis Porphyrius.

4. Gaude, donis cumulata,
Dulciter es consolata

Regem videns gloriae,
Turba casta visitavit,
Sic te sponsus honoravit

In lacu miseriae.

5. Gaude, aspectu formosa,
Nam persistis animosa

Producta de carcere,
Rex vesanus admiratur,
Sua vis quod infirmatur,

Dum vult te exstinguere.

6. Gaude, malens profiteri,
Quam innoxios puniri,

Per columbam candidam,
Quod te Christus large pavit
Et in plagis recreavit
Sanctitate nitidam.

7. Gaude, morti iudicaris,
Dum ad torquendum tractans,

Prodeunt consilia,
Indignus Dei amore
Regem succendit furore

Promens horribilia.

8. Gaude, quod nec his terreris,
Dum tormenta intueris,

Confidis in Domino,
Iussa rotis applicari
Inter serras illigari

Dirae mortis termino.

9. Gaude, Christum invocando,
Exaudiri deprecando

Instante periculo,
Non tu petis pro vindicta,
Patienter per edicta

Dum vis mori saeculo.

10. Gaude, virtus quod divina
Magna destruxit ruina

Fabricata vilia,
Te illaesam conservavit,
Qui uno ictu necavit

Sic quattuor milia.

11. Eia, stella vespertina,
Ad adiuvandum festina

Nobis laborantibus,
Consolatrix in pressuris
Instantibus et futuris

Sis ad te clamantibus.

Ad Completorium.

1. Gaude, felix Katharina,
Laude gloriaris trina

In caeli palatio,
Nam stolam iucunditatis
Cum decore claritatis

Mereris supplicio.

2. Gaude, constanter fateris
Christum, quem in corde geris,

Rex furore ebrius
Iubet vitam neci dari
Atque capite truncari

Te damnando acrius.

3. Gaude, vadis glorianter,
Mortem optans affectanter

Increpasti gemitum
Horum, qui tunc condolebant.
Te resipisci suadebant

Ante vitae transitum.

4. Gaude moram postulasti,
In qua sponsum flagitasti

Pro tuis supplicibus,
Opem gravatis petisti,
Servari a nece tristi,

Ditari felicibus.

5. Gaude, electa vocata,
Cuncta vota impetrata
Sono audis caelico,
Benedicta possessura
Regna patris permansura
Invitans ilico.

6. Gaude, caput protendisti,
Pro amore Iesu Christi

Consummata gladio,
Agonista consecratis,
Sine fine gratularis
Mariae cum filio.

7. Gaude, decus virginale
De te monstrat signum tale

Datum poli numine:
Vulnus recens non cruorem
Effudit, sed contra morem

Lac manat pro sanguine.

8. Gaude, digne tumularis,
Monte Sina deportans

Angelorum obsequio,
Ubi fluit incessanter
Liquor purus, sic gratanter

Dulci clares officio.

9. Gaude, sancta comprobans,
Dum devote visitaris

Populi frequentia,
Omnes peruncti liquore
Aegri curantur, vigore

Pelluntur nocentia.

10. Ergo, refulgens agalma,

Martyrii tu cum palma

Serta gestas gloriae,

Inter undas huius maris

Tu nos semper tuearis,

Portum da victoriae.

11. O praedulcis Katharina,
Luce bearis divina

In praesenti saeculo,
Agnosce te diligentes,
Prece tua sint gaudentes

Mortis in articulo.

12. Gratia caelesti plena,
Paradisi ad amoena

Duc nos, o piissima,
Te ex corde salutamus,
Laudes, quas nunc propina-
mus,
Non spernas, dulcissima.