71. De sancta Katharina.

Ad Matutinum.

1. Est orta lux in tenebris

hora matutina,
Quae lucem dedit ceteris,

sancta Katharina,
Costi regis filia,

cultoris idolorum,
Fulgens eloquentia

scientia et morum.

Ad Primam.

2. Hora prima ducta est

ad Dei cultorem,
Per quem illa iuncta est

Dei ob amorem,
Et subarrhans annulo

eam desponsavit
Christus Dei filias,

ipsa quem amavit.

Ad Tertiam.

3. Capta a Maxentio

hora tertiarum,
Carcere inclusa est

a tyranno, poenarum
Diversarum genere

minatus cruciari,
Si suo coniugio

nollet copulari.

Ad Sextam.

4. Hora sexta rhetores,

philosophi prudentes
Per ipsam conversi sunt

Deum confitentes,
In pyram ignis missi sunt

laeti congaudentes,
Vestis nec crinis laeditur,

caelum ascendentes.

Ad Nonam.

5. Hora nona imperatrix

clausam visitabat,
Cum ea Porphyrius

errorem fugabat,
Verbis paenitentiae

Deum adorabat,
Ducentena contio

ipsum comitabat.

Ad Vesperas.

6. Christus, sponsus virginum,

hora vespertina
Et rex regum omnium,

sancta Katharina,
Dulcibus sermonibus

te confortabat,
Ad caelorum gloriam

te ipsam invitabat.

Ad Completorium.

7. Hora completorii

tyrannum vicisti,
Cum rotis confractis

vitam invenisti,
Lac tuis vulneribus

pro sanguine dedisti,
Diversis miraculis

tu, virgo, splenduisti.

8. Per angelos mirifice

corpus elevatur
Et in monte Sinai

illud tumulatur,
Oleum ex ossibus

virginis emanavit,
Caecos, claudos, morbidos

illudque sanavit.

Conclusio.

9. Has horas canonicas,

sponsa Christi pia,
Tuae laudi refero

cordis symphonia,
Sicut promisit Dominus
Te, virgo, honorantibus

Se velle exaudire,
Sic da post hoc exsilium
Ad tuum nos consortium

Cum gaudio transire.