73. De sancta Katharina.

Ad Matutinum.

1. Kastitatis lilium,

Alma Katharina,
Illustrata nimium

Hora matutina,
Convertit Prophyrium

Hostem cum regina,
Ducens ad martyrium

Mundi de sentina.

Ad Primam.

2. Ad certamen ducitur

Virgo praeparata
Hora prima Domino,

multum confortata,
Quae traxit philosophos

magnifice dotata
Ad lumen veridicum

et regna beata.

Ad Tertiam.

3. Templo adest tertia

hora incensorum,
Caesarem aggreditur

hostis idolorum,
Per metrum et logicam

et visum astrorum
Ducit ad notitiam

regis angelorum.

Ad Sextam.

4. Exarsit ira Caesaris

fremens in pupillam,
Hora sexta praecipit

educere pusillam,
Tormentorum genera

parans propter illam,
Angelus quae concite

reduxit in favillam.

Ad Nonam.

5. Remittitur in carcerem

saeve flagellata
Hora nona a Caesare

victuque privata,
Sed divino munere

ab angelo cibata,
Sacro tandem numini

recens est oblata.

Ad Vesperam.

6. Iubar splendidissimum,

virgo Katharina,
Suum secuta Dominum

hora vespertina
In signum veridicum,

quod tota sit divina.
Effudit lac purissimum

pro sanguine regina.

Ad Completorium.

7. Nempe completorii

hora tumulatur,
In sublime Sinai

ab angelis portatur,
Vivo fonte olei

corpus decoratur,
Sic sanantur languidi,

morbus effugatur.

Conclusio.

8. Adiuvatrix omnium,
virgo Katharina,

Quae rogasti Dominum
nece iam vicina

Pro tuis fidelibus

hisque propitia.