74. Officium seraphicae s. Magdalenae.

Ad Matutinum.
1. Magdalena vigilat

spernitque dormire,
Nam unguenta praeparat

ad sepulcrum ire
Volens et diluculo

Dominum lenire,
Quod fuit indicium

caritatis mirae.
2. Flens aiebat: doleo

intrinsecus dire,
Nam tumbam non valeo

sola aperire,
Sed nunc volo Dominum

pie exorare,
Ut aliquis fortiter

velit me iuvare.

Ad Primam.

3. Hora prima properat

sepulcrum videre,
Ecce, ibi aderat,

quae coepit pavere,
Angelusque prohibet,

ne plus velit fiere,
Dominumque perhibet

surrexisse vere.

4. Maria in tumulo

Iesum non videbat,
Linteum in sepulcro

seorsum cernebat,
Quae protinus patulo

sensum advertebat,
Quod in illo hortulo

Iesus nusquam erat.

Ad Tertiam.

5. Ad sepulcrum veniens

Magdalena fiebat,
Undique prospiciens

Iesum requirebat,
Ecce, Christus veniens

tortum excolebat, .
Ac si prorsus nesciens,

quid plorans petebat.

6. Hinc tulerunt Dominum,

inquit, Iesum meum,
Dic tu, quaeso, domine,

an tulisti eum?
Hanc proprio nomine

Iesus appellavit,
Quae mox respondens "Rabbi"

humi se prostravit.

Ad Sextam.
7. Pharisaeus gestiens
prandium paravit,
Cum quo sic reficiens

Iesum honoravit,
Quod Maria sentiens
domum subintravit,
Post tergum deiciens
Christi se prostravit.

8. Pedes lavans lacrimis

capillis purgavit
Unguentisque condiens

affectum monstravit,
Simon hanc despiciens

multum condemnavit,
Quod Christus intellegens

eam commendavit.

Ad Nonam.
9. Maria dum conspicit

morti proximare
Fratrem suum, statuit

statim nuntiare,
Nuntio sic praecipit:

Tu quem amas care,
Mori, dicens, incipit,

quod velis mandare.
10. Christus ait: Lazarus

non est morti datus,
Per hunc Dei filius

erit exaltatus,
Mariam cum populo

videns Iesus fiere
Lazarum de tumulo

suscitavit vere.

Ad Vesperas.
11. Bethaniam Dominus

sero subintravit,
Cui Martha protinus

cenam praeparavit,
Maria tunc pisticum

supra Iesum fudit
Unguentum, quod mysticum

scriptura concludit.
12. Quam Iudas considerans

murmurans accusat,
Sed Christus non tolerans

pie hanc excusat;
O Maria, quae ter iam

sic es excusata,
Sis pro nobis tu pia

semper advocata.

Ad Completorium.

13. Septies adveniunt

cives supernorum
In die, qui rapiunt

Mariam ad chorum,
Cum qua ibi concinunt

carmina sanctorum,
Postea reficiunt

dapibus iustorum.

14. Maximino Dominus

cuncta haec monstravit,
Qui sacerdos protinus

Dominum laudavit,
Quem Maria intuens

peccata narravit,
Viaticum glutiens

spiritum efflavit.

Conclusio.
15. Has horas canonicas
cum devotione,
Magdalena, offero

et intentione
Salvari peroptans

tua oratione,
Quae tuis devotis es
in protectione.