117. Super Ave Maria.

1. Ave, plena gratia,

beata Maria,
Ave, Dei genetrix,

ave, virgo pia,
De te sine semine

processit sophia.
2. Dominarum domina,

rogo te, sis mecum,
Sanctarum sanctissima,

Dominus est tecum,
Et me miserum famulum

fac adesse tecum.

3. Tu in mulieribus

a dextris Dei sita,
Et per te aperta est,

porta caeli, vita,
Et per te remissa sunt

omnia delicta.
4. Atque benedictus est

fructus ventris tui.
Assit tibi laus, honor,

virtus et gloria
Per infinita saecula

saeculorum. Amen.