149. Super Ave Maria.

1. Ave, virgo virginum,

mater Iesu Christi,
Maria, divinitus

quae sola fuisti
Gratia prae ceteris

electa, fuisti
Plena sancto spiritu,

quando concepisti.

2. Dominus ex virgine

tunc sic procreatur,
Tecum sancta trinitas,

ut fides testatur,
Benedicta virgo es,

quae sic fecundatur,
Tu, qua nostro generi

vera salus datur.

3. In virtute concipis,

in virtute paris,
Mulieribus, paris

quando, dominaris,
Et manens castissima

expers paris maris,
Benedictus filius,

per quem sic ditaris.

4. Fructus quidem dulcis est

in conceptione
Ventris, sic nos liberet

in assumptione
Tui, sic nos faciat

in resurrectione,
Iesus nos emittat in

contemplatione.