152. Super Ave Maria.

1. Nec carmen nec titulus

neque prophetia
Posset nobis dicere

de dulci Maria,
Quam mitis, quam valida

quam dulcis, quam pia,
Sed ut loquar breviter,

haec est vitae via.

2. Ave, Dei genetrix

et immaculata,
Virgo, caeli gaudium,

toti mundo nata,
Ad salutem omnium

in exemplum data,
Dignare me laudare

te, virgo sacrata.

3. Maria, miseria

per te terminatur,
Et misericordia

per te renovatur,
Per te navigantibus

stella maris datur,
Lumen viae panditur,

portus demonstratur.

4. Gratia te reddidit,
virgo, gratiosam,
Te vestivit lilio,
in te sparsit rosam,

Te virtutum floribus

fecit speciosam,
Intus et exterius

totam luminosam.

5. Plena medicamine,

abundans unguentis,
Audi preces populi

coram te plangentis,
Respice in faciem

lacrimas fundentis
Et livoris vulnera,

plagas sana mentis.

6. Dominus, rex omnium,

de te nobis fecit
Cellam pigmentariam

et in te confecit
Medicinam omnium,

quae sibi subiecit
Morbos aegrotantium,

salutem perfecit.

7. Tecum tota trinitas

fecit mansionem,
Plenitudo, sanctitas

tecum, stationem
Elegerunt intra te

ad perfectionem,
Spectandam te omnibus

praebes lectionem.

8. Benedicta, benedic

te benedicentes,
Ut in tuis laudibus

sint proficientes,
Affice dulcedine

tua horum mentes,
Ut in tuis laudibus

semper sint ferventes.

9. Tu in mulieribus

optima figura,
Angelorum omnium

regem paritura
A creante Domino

singulari cura
Dignior es condita

omni creatura.

10. Et benedictus Dominus
Deus, qui creavit

Te in matris utero-
que sanctificavit,

Benedictus genitor,
qui te generavit,

Et beata ubera

matris, quae te pavit.

11. Fructus tuus, domina,
fructus angelorum,
Ex quo cibo fruitur
contio sanctorum,

Ipse delectatio,

dulcedo eorum,
Qui suorum ambulant

viam mandatorum.

12. Ventris habitaculum

regum rex intravit,
Quasi tabernaculum

hoc inhabitavit,
Pugnaturus propter nos

ibi se armavit
Armis condecentibus,

quibus hostem stravit.

13. Tui ergo filii

redempti cruore,
Qui crucis in proelio

sparsit nos liquore,
Ac peruncti gratia

te laudamus ore,
Ut in tuo Iesuque

crescamus amore.

14. Amen, virgo caelica

det nobis solamen
Et sancti similiter

pium confortamen,
Omnes sanctae virgines,

sanctum quoque flamen,
Qui regnat in saecula

saeculorum. Amen.

AdminBookmark

Tu post partum unica virgo comprobata,

Sola tui filii parens atque nata,

Partu cuius humili, morte gladiata,

Ipsius es humilis simul (et) advocata.

In pulchris pulcherrima geus [l: genis] generosis,

Ditior ditissimis, praelata morosis,

Castior, stabilior virgineis rosis

Melior, fecundior omnibus formosis.

Mulieribus in bonis optima figura,

Angelorum omnium regem paritura,

A creante Domino singulari cura

Dignior es condita omni creatura.

Et prae cunctis pulchrior fructibus decoris,
Suavitate debrians gustus et odoris,
Vernans levitatibus floris atque roris,
Virens indeficiens omnibus in horis.
Benedictus omnium Deus, qui creavit
Te, in matris utero qui sanctificavit,
Benedictus genitor, qui te generavit,
Benedicta viscera matris, que portavit.

AdminBookmark