9.

1. Latex silice,

Mel petra profluit,
Medulla cortice,

Manna terram compluit,
In ardenti frutice

Flamma nihil destuit,
Ejicit veterna
Regulum caverna
Dextera superna,

Spiritus emanat,

Literam complanat,

Sputo caecum sanat
Lux de lumine,
Suo sanguine,
Qui librum gratiae

Scripsit immolatus.

2. In suppliciis

Haec suplex hostia
Dum stat in ostiis

Petit haec stipendia,
Ut de beneficiis

Recens sit memoria,
Quia pro te natus,
Pro te perforatus
Manus, pedes, latus,

Pro te se despexit,

Pro te resurrexit,

Humeris revexit
Ovem perditam,
Sequi semitam
Per haec convinceris,

Ne sis tot ingratus.

3. Quid, cor asperum,

Cor saxo durius,
Tot fructus operum

Quid reddis melius?
Ne dolore vulnerum

Frangar Dei filius,
Vicem quam rependis?
Quare non attendis,
Quis est, quem offendis?

Ergo prudens ire,

Diem praevenire,

Judicem lenire
Cures, opere
Hunc amplectere,
Qui tibi brachia

Tendit immolatus.