224.

1. Qui servare puberem,

Vagam claudere
Studet, lavat laterem,

Litus colere
Tunc laborat,
Cum implorat

Vias viperae,
Novit enim carcerem,

Vincla solvere
Foedus et caracterem

Firmatum frangere,
Nova semper fallere,

Novo gaudet veterem
Amicum pellere.

2. Sub columbae specie

Vulpes latuit,
In praedulci facie

Dolum texuit,
Linguam melle,
Mentem felle

Quae sic imbuit,
Arte quod perfidiae

Tua sorbuit
Haecce, sed pucuniae

Profectum doluit,
Cum spes luci defuit,

Munus reddit gratiae,
Cui magis debuit.

3. Cujus vexat meritum

Scorti stimulus,
Salomonis exitum

Penset sedulus,
Praedicatur,
Qui praedatur

Famam, titulus,
Quia scorto subditum

Ridet populas,
Tamquam sit vas perditum,

Hic est funiculus,
Qui suspendit spiritum,

Hic praecedit tumulus
Virentis obitum.