158.

1. Quo vadis, quo progrederis,
Usque quo progressura?
Quo fugis, cur me deseris.
Quo usque desertura?
Mens levis, mens dura,
Tecum delibera,
Considera,
Quam facundum,
Quam jucundum,
Quanto dispendio
De gaudio
Sub duxisti,
Quod coepisti

Non exsecutura,
Stultum Christi
Delusisti

Justum proditura.

2. Sed tu quis es qui mussitas,
Qui contra me gannire,
Qui contra me non haesitas
Injuste superbire?
Vas fumi, vas irae,
Tecum delibera,
Considera,
Quam tumentem,
Quam foetentem
Raptum de lubrico
Non modico
Te coegi
Summo regi

Prorsus obedire,
Stulte feci,
Quod adjeci

Stulto subvenire.