229.

5. Si prudenter triticum

paleis emundas,
Famam emis munere,

sed caveto, cum das,
Largitatis oleum

male ne effundas,
In te glorior,
Quia Codro codrior

Omnibus abundas.

1. Fas et nefas ambulant

fere passu pari,
Prodigus non redimit

vitium avari,
Virtus temperantia

quadam singulari
Debet medium
Ad utrumque vitium

Caute contemplari.
2. Si legisse memoras

ethicam Catonis,
In qua scriptum legitur:

ambula cum bonis,
Cum ad dandi gloriam

animum disponis,
Supra cetera
Primum hoc considera,

Quis sit dignus donis.

3. Vultu licet hilari,

verbo licet blando,
Sis aequalis omnibus,

unum tamen mando:
Si vis recte gloriam

promereri dando,
Primum videas
Granum inter paleas,

Cui des et quando.
4. Dare, non ut convenit,

Non est a virtute,
Bonum est secundum quid,

sed non absolute,
Digne dare poteris

et mereri tute
Famam muneris,
Si me prius noveris

Intus et in cute.