226.

De Virtutibus Cardinalibus.

1. A deserto veniens
Gravis ventus irruit,
Qui domum Job concutit,
Ut subversa jaceat,
Quatuor in angulis
Filios Job opprimit,
Verum tamen unicus
Puer pedem retulit,
Qui damnum Job nuntiat.

2. Per desertam gradiens,
Quem devoret. circuit
Satan, qui nos incutit,
Ne mens lapsa pereat
Victa suis aemulis,
Dum virtutes adimit,
Animi veridicus
Motus mentem consulit,
Ut hunc casum fugiat.

3. Palatium animae
Suos habet angulos,
Super quos erigitur
Turris fortitudinis,
Primum tenet angulum
Prudentia vigilans,
Fortitudo alterum,
Justitia tertium,
Quartum temperantia.