118.

Planctus Magdalenae ad pedes Jesu.

1 a. Flere libet

ac flere debeo,
Flere libet,

dum. tempus habeo,
Flere libet,
dum fletu valeo
Fletum compescere;

1 b. Fletus iste

prodit ex intimis,
Dolor ingens

dat iter lacrimis,
Qui cle causis
procedit plurimis
In corde miserae.

2 a. Jure fleo

conscia scelerum,
Quibus pectus

imbui tenerum,
Quibus corpus
subjeci miserum
Vix genita;

2 b. Non apparet

malorum cumulus,
Omnis in me

caligat oculus,
Plus commisi,

quam credat populus,
Illicita.

3 a. Ad te, Jesu

benigne, venio,
Ad medicum

aegra confugio,
Ne condemnes
dignam supplicio,
Pater pie.

3 b. Tu figmentum

expertus hominis,
Laxa justi

pondus examinis
Et dimitte

reatum criminis,
Fons veniae.

4 a. Secus pedes

prostrata jaceo,
Mea mecum

peccata lugeo
Et levare

vultum non audeo
Prae pudore.

4 b. Vitae meae

revolvens seriem
Non audeo

levare faciem,
Mens infirma

non habet requiem
Suo more.

5 a. Ad convivas

intravi flebilis,
Dolens, gemens
et miserabilis,
Audi quaestus
et preces humilis
Poenitentis.

5 b. Non te movet,

quod inter epulas
Fundo fletus

et voces quaerulas?
Terge, quaeso,
sordes et maculas
Pravae mentis.

6 a. Plus me torquet
amissa gratia,
Quam torquerent
multa supplicia,
Eia,

Summa clementia
Data me venia

Redde libertati.

6 b. Plus peccasse

quam pati timeo
Et peccati

pondus abhorreo,
Adeo,

Quod parum paveo
Nec grave censeo
Sine culpa pati.

7 a. Quibus pectus
vacet deliciis,
Satis certis
monstrat indiciis
Pallor in facie
Confecta macie,
Quae tantae gratiae
Nonnunquam exstitit.

7 b. Quod si tamen,
digne poeniteo,
Non est meum,
sed tibi debeo,
Confirma foedera,
Conserva munera,
Quae tua dextera
Jam mihi praestitit.

8 a. Longo luctu

consumptis lacrimis
Dolor magnus

saevit in intimis,
Eoque miserae

plus urit spiritum,
Quo foras libere

non habet exitum.

8 b. Tu me vides

intus et deforis,
Tibi patent

secreta pectoris,
Da mihi requiem,

Jesu piissime,
Et leni rabiem

dolentis animae.

9 a. Pharisaeus arguit
Et profanam renuit,
Quem peccatrix tangit;

9 b. Sed qui ream reprobat,
Cur non magis adprobat,
Quod reatum plangit.

10 a. Cur mundatus

a lepra corporis
Mihi morbum
sanari pectoris
Indignatur ?

10 b. An non audit,

quod ei dicitur,
Quod ab ea,

cui plus dimittitur,
Plus amatur?

lla. Aequo libramine
Penset cum crimine
Poenitentis votum;

11b. Non est in scelere,
Qui vult corrigere,
Quod commisit, tolum.

12 a. Vulneris immodicum
Sentio dolorem,
Aegra quaero medicum,
Rea salvatorem.

12 b. Sana morbum vulneris,
Medicina vitae,
Et, pro quibus posceris,
Crimina dimitte.

13 a. Jesu, fave supplici
Voto poenitentis,
Nec me sinas affici
Poenis in tormentis.

13 b. Non me tradas inferi
Poenis pro peccatis,
Sed clementer aperi
Sinum pietatis.

14 a. Pelle metum,
Tolle letum,
Terge fletum

Placatus precibus,

14 b. Fac me laetam
Et quietam,
Pone metam

Tantis doloribus.