26.

1. Cum rex Christus gloriae
Gehennae claustra penetiat,
Sanctos suos redimens,
Victor inde remeans,
Diem istam consecrans.

2. Angelorum exercitus
Exsultando progreditur,
Victoris boni gloriam
Proclamando nuntiat,
Per quam mundo datur pax.

3. Portas vestras, principes,
Rex adest, dicunt, tollite,
Introibit potens rex,
Regum Dominus et rex,
Desperatis factus spes.

4. Salve, nox optabilis,
Paschalis nox nobilis,
Quae beata diceris
Meritis praecipuis,
Christus in qua surrexit.

5. Gaudet solum hac die,
Qua surgit victor gratiae
Coelum replens gaudio,
Hominem solatio.

.........

6. Christus, salus humilium,
Devicit hostem saevissimum,
Regnum ejus destruens
Hominemque liberans,
Paradisum reserans.

7. Coelum, terra jubilat
Et quod in eis habitat,
Et nos nunc cum gaudio
Benedicamus Domino
Alleluja psallendo.