▾
AnHym Author, Analecta Hymnica – XXI. Cantiones Et Muteti
⎗←→⎘
▾
10. Planctus Christi morientis.
De s. Thoma Cantuariensi. 137.
Exhortatio ad Poenitentiam. 154.
Lamentatio animae peccata deflentis. 160.
177. Canticum sponsae depromtum ex Cantico canticorum.
178. De sponsa cum sponso quiescente.
De malitia temporum modernorum. 183.
Contra eos, qui pastorali officio male funguntur. 303.
De Pugna contra Luxuriam. 221.
227. De Prole ingenua et adulterina.
De circumspectione in dandis numeribus. 228.
Exhortatio ad bellum sacrum. 231.
De Excidio Hierosolymae. 2 34.
De s. Guillelmo Bituricensi. 240.
In Richardum, I Angliae Regem. 249.
De Veritate exsule.
1. Dic, Cbristi veritas,
Dic, cara raritas,
Dic, rara caritas,
Ubi nunc habitas?
Aut in valle visionis,
Aut in throno Pharaonis,
Aut in alto cum Nerone,
Aut in antro cum Theone,
Vel in fiscella scirpea,
Cum Moyse plorante,
Vel in domo Romulea
Cum bulla fulminante?
2. Respondit caritas:
Homo, quid dubitas,
Quid me sollicitas?
Non sum, quo mussitas,
Nec in Euro nec in Austro,
Nec in foro nec in claustro,
Nec in bysso vel cuculla,
Nec in bello vel in bulla;
De Jericho sum veniens
Plorans cum sauciato,
Quod duplex Levi transiens
Non adstitit grabato.
3. O vox prophetica,
O Nathan, praedica,
Culpa Davidica
Patet non modica!
Dicit Nathan: non clamabo
Neque David planctum dabo,
Cum sit Christi rapta vestis,
Contra Christum Christus testis:
Vae, vae vobis, hypocritae,
Qui culicem colatis,
Quae Caesaris sunt, reddite,
Ut Christo serviatis,