175.

Fuga saeculi beatos nos reddit.

1. Bonum est confidere

In dominorum Domino,
Bonum est spem ponere

In spei nostrae termino,
Qui de regum potentia,
Non de Dei clementia

Spem concipis,

Te decipis

Et excipis

Ab aula summi principis.
Quid in opum aggere

Exaggeras peccatum?

In Deo cogitatum
Tuum jacta,
Prius acta

Studeas corrigere,
In labore manuum
Et sudore vultuum

Pane tuo vescere.

2. Carnis ab ergastulo
Liber eat spiritus,
Quo peccati vinculo
Vinciatur
Et trahatur
Ad inferni gemitus,
Ubi locus flentium,
Ubi stridor dentium,
Ubi poena gehennali
Affliguntur omnes mali;
In die novissimo,
In die gravissimo,
Quando judex venerit,
Ut trituret aream
Et exstirpet vincam,
Quae fractum non fecerit,
Sic granum a palea

Separabit, congregabit
Triticum in horrea.

3. O beati mundo corde,
Quos peccati tersa sorde

Vitium non inquinat,

Scelus non examinat,
Nec arguunt peccata,
Qui Domini mandata

Custodiunt et sitiunt,

Beati, qui esuriunt

Et confidunt in Domino,
Nec cogitant de crastino.

Beati, qui non implicant
Se curis temporalibus,

Qui talentum multiplicant

Et verbum Dei praedicant
Omissis secularibus.