252.

In Funus Godefredi, ducis Britanniae.

1. Eclipsim patitur

Splendor militiae,
Solis exstinguitur

Radius hodie,
Lux mundi labitur,

Dum flos Britanniae
De via mittitur

In sedem patinae.
R Mors sortis asperae,
Cunctis aequa,

non novit parcere.

2. Virtutis fomitem,

Fontem irriguum,
Jam Christi militem

Mundo residuum,
Mors rapit comitem,

Fit regnum viduum,
Dum vitae limitem

Linquit ambiguum.
R Mors sortis asperae,
Cunctis aequa,

non novit parcere.

3. Comes, qui tenuit

Mundi dominium,
Qui fortes domuit,

Piis suffragium,
Fatis occubuit,

Ergo solatium
Absit, nam adfuit

Fatale taedium.
R Mors sortis asperae,
Cunctis aequa,

non novit parcere.

4. Morum maturitas

Comiti nupserat,
Tuitus simplicitas

Gratiam hauserat,
Dandi serenitas

Sedem elegerat,
In eo largitas

Omnibus praeerat.
R Mors sortis asperae,
Cunctis aequa,

non novit parcere.