33.

2. Duce fraudis demolito

Terris pax indicitur,
Et exhausto aconito

Salus aegris redditur;
Morte mortis morsu trito

Vitae spes infunditur,
Claustro pestis inanito

Nefas omne pellitur.

1. Haec est dies triumphalis,

Mundo grata perdito,
Dans solamen nostris malis

Hoste jugo subdito,
Haec est Deo specialis,

Tanto nitens merito,
Quod peccati sit finalis

Mali malo irrito.

3. Cum nos Christus fecundare

Tanto vellet foedere

Et se morti gratis dare

Pro reorum scelere,
Jure decet hunc laudare

Et ei consurgere,
Pascha novum celebrare
Corde, voce, opere.

1. Eja, stematica
Vocis harmonia
Festa paschalia

Celebrentur,
Musica melica,
Rhythmica, metrica
Jam nova cantica
Modulentur.