25.

1. Corusca Sion inclitis
Ornatibus cum gloria,

Post Christi, tui capitis,
Completa bene proelia
Reduxit mira gratia

Per protoplastum perditis
Beata nobis gaudia.

2. Fractis tyranni viribus
Hostiles portae pereunt,
Ex mortis tractos faucibus
Teneri seris nequeunt,
Erepti laudes evehunt,
Et cum trophaei cantibus
Vexilla regis prodeunt.

S. En remeans ab inferis
Truso triumphat funere,

Tollens de domo carceris,
Quos facit fauste vivere,
Laetos optatum cernere

Tamquam post noctem oneris
Jam lucis orto sidere.

4. Refloruit ut lilium

Caro pastoris fulgidi,
Grex plaudat ejus ovium
Et convertuntur perfidi,
Revixit junctus lapidi,
Sit vox melorum dulcium
Ad coenam agni pro-
vidi.

5. Declarat se discipulis

Pulso dolorum turbine,

Cor lenit in sub epulis
Et corporis indagine,
Quod sumpserat de virgine,

Princeps occasus insulis
A solis ortus cardine.

6. Surgente mundi domino
Fit recens rerum series,
Dempto sopore pristino
Pubescit terrae facies,
Arridet una species
Tibi carenti termino,

Christe, qui lux es et
dies.

7. Lota peccati macula

Conetur quisque penitus

Hac renovari formula,
Nec differatur aditus,
Ut des hic manna, coelitus

Ad nostrae mentis vascula
Veni, creator spiritus.