De Pugna contra Luxuriam.
221.

la. Olim sudor Herculis

Monstra late conterens,
Pestes orbis auferens

Claris longe titulis
Enituit,
Sed tamen defloruit

Fama prius celebris

Caecis clausa latebris

Ioles illecebris
Alcide captivato.

lb. Hydra damno capitum
Facta locupletior,
Omni peste saevior
Reddere sollicitum
Non potuit,
Quem puella domuit:
Jugo cessit Veneris
Vir, qui major superis
Coelum tulit humeris
Atlante fatigato.

2a. Caco tristis halitus
Et flammarum vomitus
Vel fuga Nesso duplici

Non profuit,
Geryon Hesperius
Janitorque Stygius
Uterque forma triplici
Non terruit,
Quem captum tenuit
Puella risu simplici.

2b. Jugo cessit tenero,
Somno qui letifero
Horti custodem divitis
Implicuit,
Frontis Acheloiae
Cornu dedit Copiae,
Apro, leone domitis
Enituit,

Thraces equos imbuit
Cruenti caede hospitis.

3a. Anthei Lybici

Luctam sustinuit,
Casus sophistici
Fraudes cohibuit,
Cadere non vetuit
Sed quae sic explicuit
Luctae nodosos nexus,
Vincitur et vincitur,
Dum labitur

Magna Jovis soboles
Ad Ioles amplexus.

3b. Tantis floruerat
Virtutum titulis,
Quem blandis carcerat
Puella vinculis,
Dura lambit osculis,
Nectar huic labellulis
Venerium propinat;
Vir solutus otiis
Veneriis

Laborum memoriam
Et gloriam inclinat.

4a. Sed Alcide fortior
Aggredior

Pugnam contra Venerem,
Ut superem,
Hanc fugio,
In hoc enim proelio
Fugiendo fortius
Et melius

Pugnatur,
Sicque Venus vincitur,
Dum fugitur,

Fugatur.

4b. Dulces nodos Veneris
Et carceris
Blandi seras resero,
De cetero
Ad alia

Dum traducor studia.
O Lycori, valeas
Et noveas,

Quod novi,
Ab amore spiritum
Sollicitum

Removi.

R Amor famae meritum

Deflorat,
Amans tempus perditum

Non plorat,
Sed tenere
Diffluere
Sub Venere

Laborat.