251.

In Obitum Ferdinandi, Regis Legionensis.

1. Sol eclipsim patitur

Ex mortis objectu,
Mundi lux exstinguitur

Solis in defectu,
In coelum sol justitiae

Raptus, dum terras deserit,
Orbem nube tristitiae

Solis occasus operit.

2. Dum Fernandus, Hispaniae
Laus, decus, apex gloriae,
Sol virtutum, fons gratiae,
Qui regni sceptrum tenuit,
Quem nec potestas domuit
Nec Martis horror terruit,
Heu mortis jugo subditur.
Sed mors in morte moritur,

Dum mors in vitam vertitur,
Dum pro superno bravio,
Immo mutato solio,
In regis regum regia
Stola fulget rex regia.