88.

1. In rerum principio

Fundatur ecclesia,
A parentis filio

Mater habet praemia,

Exsul agat gaudia
Restaurato praedio,
Nam purgato lolio

Pullularunt lilia.
2. Zabule, dic impie,

Dic, quid fraudes faciunt ?
Quid prosunt insidiae,

Quid doli proficiunt?

Nam regem respiciunt
In regno laetitiae

Et bravium capiunt
Rectores ecclesiae.

3. Fructus Adam ederat

Arboris exitii,
A morsu mors venerat

Cum causa decidii,

Sed Christus, flos lilii,
Vitam reparaverat,

Solvens dono gaudii

Totum, quod perierat.

4. Pastor ovem perditam

Reportat ad patriam,
Christus pesti deditam

Serenat ecclesiam.

Expurgat versutiam,
Confortat sollicitam,

Dat dona per gratiam
Justis dari solitam.