In Richardum, I Angliae Regem.
249.

1. Redit aetas aurea,

Mundus renovatur,
Dives nunc deprimitur,

Pauper exaltatur,
Omnis suo principi

Plebs congratulatur,
Nec est locus sceleri,
Scelus datur funeri,

Scandalum fugatur.

2. Deus regem contulit

Nobis praeoptatum,
Terra cornu potulit

Copiae ditatum,
Murmur omne populi

Prorsus est sedatum,
Plebs sub pace regia
Gaudet, pax, justitia

Sese osculantur.

Pius, potens, humilis,

Dives et maturus
Aetate, sed docilis

Et rerum securus
Suarum, praeficitur

Angliae, daturus
Rapinis interitum,
Clero juris aditum,

Locum veritati.

4. Gaudeat Pictavia,

Jam rege ditata,
Tumescat Normannia

Auro coronata,
Vasco, Scotus, Britones

Obtinent optata,
Sine dolo Cambria
Servit et Hibernia

Nostrae potestati.