115.

1. Alto corde gaudeamus
Ac in nullo doleamus,
Nam peccatrix procumbendo,
Christi pedes abluendo

Veniam promeruit.
Ante regem trepida
Venit haec et pallida,
Facta pavens scelera,
Commovendo viscera
Lacrimans ingemuit.

2. Rex, inquit, rex unice,
Miseram hanc respice,
Mea dele crimina,
Dimitte peccamina

Temperans justitiam.
Versus ad hanc medicus
Humilis, mirificus,
Ne desperent peccatores,
Septem criminum errores

Exstinxit in filia.

3. Pii patris pietas,
Summi regis deitas,
Hujus mota precibus
Se largitur omnibus

Sic quaerendo veniam.
Ergo cantus resonemus,
Resonando festivemus,
Istam diem tam praeclaram,
Universo mundo caram
Cura summa laetitia.