124.

1. Hic fulgens virtutibus
Ab annis prioribus,
Corde pio
Jejunio

Incepit se donare.

2. Inde placens omnibus
Vita, sensu, moribus
Myrae dio
Consilio
Meruit antistare.

3. Hic esurientibus
Ac nautis clamantibus
In obvio
Naufragio

Subvenit sedans mare.

4. Ejus puellis tribus
Fuit et juvenibus
Compassio
Praesidio

Carnificis in lare.

5. Hic aliis pluribus
Decoratus actibus
Obnoxio
Praeconio

Dignus est emicare.

6. Ejus tumba gentibus
Praebet confidentibus
In hagio
Subsidio

Oleum salutare.

7. Christus ergo dulcibus
Velit ejus precibus
Egregio
Palatio
Nos coeli collocare.
R Nicolai laudibus
Gum gaudio
Eximio

Nos decet convacare.