106.

De s. Johanne Evangelista.

1. Christi sit nativitas
Cum jubilo repleta,

Cujus coelestis civitas
In vita quieta

Johannem collocavit

Epulisque pavit,

Vocavit
Post senium.
R Johannes, te rogamus,

Da nobis, ut bibamus,

Ne hamus

Nos trahat in supplicium.

2. Praeceptoris in pectore
Suaviter dormivit,
Bibens in coenae tempore

Fluenta, quae scivit
Pectus, quod refecit
Nos et mortem jecit
Et fecit

Convivium.

3 Virus hic mortiferum
Incolumis potavit,

Per quod binos miserum
Letum tunc prostravit,

Quibus vires tribuit

Et vitam restituit

Et diluit
Exitium.
R Johannes, te rogamus,

Da nobis, ut bibamus,

Ne hamus

Nos trabat in supplicium.

4. Custos nostri Domini,

Cum Dominus pependit
In cruce, salus bomini,
Quam bene defendit
Velut suam matrem,
Honorans nostrum patrem,
Et matrem
Et filium.

5. Virgini cum virgine
Nos cernui cantamus,
Nec tu, lector, desine

Laudes, quas sonamus,
Ut post hoc terrenum
Ducamur ad amoenum
Serenum

Palatium.