29.

1. O Jesu admirabilis,

O laude plus laudabilis,

O gaudium mellifluum,

Amor cordis

Irriguum,

Totus desiderabilis.
2. O lumen indeficiens,

Afficiens, reficiens,

Sufficiens, alliciens,

Fruentes te perficiens,

Nos sitiens,

Fons vitae indeficiens.
3. Ab aeterno provideras,

Praesciveras, nos noveras,

Elegeras, dilexeras,

Pravosque reprobaveras,

Taxaveras,

Quae post daturus fueras.
4. Dilexisti nos nimium,

Fons vitae, vita, gaudium,

Semperque tibi fuimus,

Qui nondum esse coepimus,

Exstitimus

Aute omne principium.
5. Et, ecce, Christus aderat,

Et quos praedestinaverat

Creatrix sapientia,

Plasmatur in miseria

Et gratia

Salvatur, quod perierat.

6. Tota massa corrumpitur,
Placens inde eligitur,
Abjicitur, quod displicet,
Hoc totum mundus continet,
Sed indicet,
Nobis qui puer nascitur.

7. O quam felix miseria,
Quae gratia, quae gloria!
En, qui cunctis dissimilis,
Deus nobis fit similis
Et humilis,
Quis unquam vidit talia?

8. Senex dierum nascitur,
Lux nova nobis oritur,
Rex habitat in stabulo,
Aeternitas in saeculo,
Patibulo

Mors morte victa moritur.
9. Involvitur, fit habilis,
Majestas ct tractabilis,
Amplexus praebet, oscula,
Distentus expiacula,
Dans pocula
Vitae amor amabilis,

10. Domus fortis diripitur,
Sede potens dejicitur,
Pax depraedatur inferos,
Captivos ducit miseros
Ad superos,
Salus nostra perficitur.

11. Cujus justum judicium
Inter justum et impium,
Supplicium vel gaudium,
Finis hic erit omnium,
Per medium
Regressus ad principium.

12. Angelorum et hominum
Te jucundum consortium
Et unum necessarium
Nostrum, Mariae praemium
Et gaudium
Per Jesum Christum Dominum.