58.

1. Christus patris gratiae

Nos reconfoederat,
Resurrexit hodie,

'' Sicut praedixerat,
''Felix, qui pro misero

Populo moritur,
Mors illi de cetero

Non dominabitur.

2. Mortis poena propriae
Mortuos liberat,
Resurrexit hodie,

'' Sicut praedixerat,
''Ligno salutifero

Mors morte vincitur,
Mors illi de cetero
Non dominabitur.

3. Agnus innocentiae

Cum semet offerat,
Resurrexit hodie,

'' Sicut praedixerat,
''Sanguis ejus extero

Poste diffunditur,
Mors illi de cetero

Non dominabitur.

4. Genti nos Aegyptiae

Lignum subdiderat,
Resurrexit hodie,

'' Sicut praedixerat,
''Sed jam lignum altero

Ligno retunditur;
Mors illi de cetero

Non dominabitur.

5. Laesis ut a sanie

Medelam conferat,
Resurrexit hodie,

'' Sicut praedixerat,
''Serpens a presbytero

Turbis erigitur;
Mors illi de cetero

Non dominabitur.