21.

1. Alma dies, dulcis qui es,

Cum triumphi cumulo
Leo fortis, victor mortis,

Qua surgit de tumulo.
Felix dies, felix hora,
Qua ad superiora
Victor redit sine mora.
2. Dies laeta sine meta,

O dies victoriae,
In qua mortem vicit fortem

Rex aeternae gloriae.
Mira peregit,
Tartara confregit
Et hostem subegit.
3. Lux laudanda et ornanda

Omni reverentia,
Quam sacravit, quam beavit

Divina potentia.
O dies amabilis,
Quae nunquam labilis,
Sed semper stabilis.

4. Haec peccatum veteratum

Fugat et interitum,
Beatarum animarum

Pium servans meritum.
O dies beata,
Nulli comparata,
Qua mors est fugata.
5. Resurrexit et revexit,

Quos sorbuit interitus,
Conlaetatur, comitatur

Chorus hunc angelicus.
O dies magna Dei,
Dies nostrae spei,
Dies requiei.

6. Nobis vitam infinitam
Dat vera resurrectio,
Ista lux nostra dux,

Sit salus et protectio.
Christo sociemur,
Christum contemplemur,
Christo conlaetemur.