85.

1. Ave, dulce tu frumentum,
In Maria quod inventum
Crucis venit ad tormentum,
Cordis nostri pascementum.

Animarum corpus clarum,

Caro carens carie,
Consecrata, sed velata

Stat sub panis specie.

Sanguis potus, Christus totus
Hic sic praesens creditur,

Ut de matre sine patre
Homo Deus editur.

2. Salve, calix vini meri,
Quem non bibunt insinceri,
O mi Jesu, dulcis queri,
Fac te cito possideri.

Virginalis flos vernalis
Factus est angelicus,

Fructus vivus, cibus divus,
Ut pascatur coelitus.

Miser homo, qui pro pomo
Factus est famelicus,

Hunc informat et innormat
Cibus hic salvificus.

3. Vale, cibus salutaris,
Qui frequenter immolaris
Super tuis sacris aris,
Nunquam tamen consummaris.

Tu dignare nos mundare
Criminum a sordibus

Et tu, bone, nos compone,
Jesu, nostris cordibus.

Veni, veni, corda leni

Tuo divo corpore,
Dans sincere immanere

Tibi omni tempore.

1. Ave, verbum incarnatum,
In virgine humanatum,

Tu panis mysterium.
Tu planas culpas debitas,
Tu pandis caulas coelicas,
Tua firma aeternitas

Manet inviolata.
Te Helias praemonstravit,
Typice dum te gustavit,
Panem subcinericium

Petens Olympum Dei.