208.

I.

1. Fontis in rivulum

Sapor ut defluit,
Odor ut vasculum

Infusus imbuit,
Sic vita populum

Regentis instruit,
Sic testa figulum

Probat vel arguit.

2. Doctor abutitur

Doctrinae regula,
Cujus inficitur

Subjectus macula,
Defectu mergitur

Nautae navicula,
Dum caput patitur

Et membra singula.
3. Omnis ambitio,

Radix malitiae,
Manat ex vitio

Romanae curiae,
Quo privilegio

Nitantur hodie
Matris contagio

Corruptae filiae.

II.

7. O qui cuncta prospicis,
Punies in clericis

Adipem superbiae,
Quos nec terror judicis
Nec legis aut gratiae
Cohibent mandata.

4. Praelati munera

Praeponunt meritis,
Opes, non opera

Pensant in subditis,
Judae vox libera

Clamat in compitis,
Honores dextera
Dispensat divitis.
5. A recto claudicant
Trium adspectibus:
Vel sancta publicant

Emptorum manibus,
Vel ea vendicant
Suis nepotibus,
Vel, quibus supplicant,
Cedunt principibus.
6. Gemmarum hauruint
Fulgores oculis,
Aures emolluint

Lyris et fistulis,
Electis condiunt

Palatum ferculis,
Tactum decipiunt
Blandis obstaculis.

8. De sudore pauperis
Ornant equos phaleris
Et se veste varia,
Diffluentes prosperis
Sui luxus gloria
Praedicant peccata.

9. Ha, cum judex venerit
Et cum ventilaverit
Triticum in area,
Fructum qui non fecerit,
De cultoris vinea
Palmes excidetur.

10. Cicatrices vulnerum

Christi, clamor pauperum,

Sordes, quas non tersimus,
Accusabunt operum,
Primus et novissimus
Quadrans exquiretur.

1. Heu, quo progreditur

praevaricatio,
Virtus subtrahitur

A sanctuario,
Jam novo traditur

Christus praetorio,
Cum Petrus utitur

Pilati gladio.
2. In loco praesulum

Pilatant consules,
Cum facta consulum

Usurpent praesules,
Adorant vitulum,

Proscribunt exsules,
Propinant poculum,

Quo, Christe, procul cs.