189.

1. Mundus eclipsim patitur

Decoris et honoris,
Flos castitatis labitur,

Laus exsulat pudoris,
Nam fides evanuit,

Caritas et modestia.
2. Benignitas non colitur

Est vana pax amoris,
Humilitasque spernitur,

Nec sunt verba dulcoris,
Sed coluntur rixae, fraudes,

Dolus ac molestia.

3. Ira militat cum
suis appendiciis,

Gula regnat nunc
potenter cum vitiis,

Jam virent et florent,
Odium, invidia.

4. Non dormit avaritia,
Festinat acedia,

Lis, discordia,
Superbia

Stat in gloria,

Solemnizat luxuria.

5. Sic inter mundi noxia
Exspirant sine gratia,
Nam mundana lubrica
Plus placent quam coelestia.