245.

In Funus sancti Alberti Episcopi Leodiensis.

1. Turmas arment Christicolae,
Devotae Sion filiae
Coetus cient coelicolas
Triumphantis militiae,
5. Insurgant ignominiae
Matris flentis ecclesiae,
Quae concussa barbarie
Languet occiso praeside
Proditoris tyrannide

10. Et perfidae

Gentis mersa discrimine
In hac mundi voragine
Membrisque mutilata
Clamat: vindica, Domine,

15. Clamat respersa sanguine
Natorum et contamine
Mortis contaminata'';
''Nunquam talis genimine
Vitis inebriata,

20. Licet me Jerosolymis
Acerrimis
Pressuris et quam plurimis

Plagis ubique gentium

Gentilium
25. Percellat persecutio,

Declinans tamen obvium

Naufragium

Transsilio,

Quod eminet, certaminum
30. Et ad portus refugium

Refugio,

Sed cum impendo labio

Lactans palpat proditio,

Decolorata nimio
35. Fraudis trador martyrio

Consilio,

Quem satanae satellitum

Et velitum

Condita felle fictio
10. Praeripuit de medio,

Cujus ut solis radio

Et lilio convallium

Leodium

Praefulsit pontificio.

In Mortem Philippi Augusti,

Regis Galliae, 1223.