239.

Planctus Samsonis.

1. Samson, dux fortissime,
Victor potentissime,
Quid facis in carcere,
O victor omnium?
Quis te quivit vincere
Vel per somnium?
Victus es, o victor

hostium,
Captus es, o captor
omnium,

O victor omnium,
Captus es.

2. Samson, dux mirabilis,
Modo miserabilis,
Quid facis in angulo

Taetri carceris?
Te dedit ergastulo
Fraus mulieris;
Avulsis oculis

caecus es,
Jam tonsis crinibus
Calvus es,
Sed si recreverint,
Salvus es.

3. Sponsa mihi placuit

Alienarum
Et amavi virginem

Philistinarum,
Favum mihi reddidit

Rex bestiarum,
Junxi caudas vulpium

plus quam trecentarum,
Dissipavi palmites

tot vinearum
Et combussi segetes

agricolarum.

4. Mille rupi vincula,

Propter te, juvencula,

Feci tot miracula,
Post in solitudine
Gravi fortitudine
Magna multitudine

Constipati veniunt,

Capere me cupiunt,

Pauci vix effugiant.
Circumdor ab hostibus
Et armis et fustibus,
Instant totis viribus,
Solus ego viribus
Praevalebam millibus.
5. Mille viros mortibus
In proelio

Meis dedi manibus
Et gladio,

Mille viros mortibus
Mandibula

Tuis dedi morsibus,
Asellula.
6. Vach tibi Philistiim

Sub tributis Nephtalim,
Cui sic allophyli
Reputantur nihili,

Optimates Ismael

Servierunt Israel.
7. Urbem vallaverant,

Me quasi vicerant,
Fidenter,

Nocte diluculo

Surrexi clanculo
Silenter.

8. Post amavi Dalidam,
Virginem pulcherrimam,
Corpore juvenculam,
Fraudibus vulpeculam.
Cum libaret poculum,
Porrigebat osculum
Serviens ad oculum,
Seducebat populum.

Dalida dixit:

9. Dic mihi, bacissime,
Victorum fortissime,
Ubi polles viribus
Prae cunctis mortalibus V
Ubi vires corporis,
Ubi robur pectoris?
Utrum divo numine
Praevales an carmine?

10. Si nerveis fustibus
Vinciar aut restibus
Circumplexis crinibus

Cum linteo,
Par ero mortalibus,

Sic aio.

11. Quidquid egit perfida,
Temptat arte callida,
Sed rumpuntur laquei
Quasi funes stuppei.
Feminae ter restiti,
Tandem victus exstiti,
Qui vincebant omnia,
Victus sum a femina.

12. Proh dolor, proh dolor,
Detegor miraculo:
Prope rasis crinibus

Rasorio,
Par ero mortalibus

Calvitio.

13. Voluptatis praemio
Meretricis gremio
Jam privatim dormio,
Illa mordax vipera,
Agna prias tenera,
Furtim rapit forfices
Et clamabat principes:

14. Philistim, Philistim,

Surgite,
Clipeos et lanceas

Arripite,
I et e, a et o,
Hostem victum teneo.

15. Idumaei, Gebusei

Veniunt,
Gergesaei, Pheresei

Capiunt,
Philistei verberant.

16. Orbaverunt me lumine
Consecratum crimine,
Tanto perit fulmine,
Qui se credit feminae.

17. Nolunt mihi

Nolunt mihi parcere,
Crucior, vincior,
Morior in carcere.

Perfero ludibria,
Risus et opprobria;
Sed, si crines creverint,
Reddam, quidquid fecerint.

18, Quando festa veniunt,
Ludere me faciunt'';
''Crines creverunt,
Vires venerunt.

19. Dies festus aderat
Et senatus sederat,
More dicunt solito:
Nobis ludos facito,
Plaude.

20. Ludens ludebam,
Lugebam lugens,
Columnam arripui,
Totam domum subrui,
Fere tria milia
Observabant atria.
Pro tali victoria
Samson sit in gloria.